Libya: News and Views      LibyaNet.Com      Libyan music       Libya: Our Home
Libyan Poet Ben Shwaikha
الشاعر الليبي بن شويخة

Wednesday, 10 May, 2006

سحب السفير

شعـر : بن شويخة

إبسحب سفيره .. خلـّى العقل يحير فى تدبيره .. وين هدّدني

قلت اتشــــــــــــــــــــــــــيله .. تخلـّى قلــوب العاشـــــقين ذليله
الله يربـّحك يا بوعيون كحيله .. ادرس قرارك زيـــد فى تدويـره
راه سـحبت السفير بالتعجيله .. اترهدن العمر تزيد فى تقصــيره

إبسحب سفيره .. خلـّى العقل يحير فى تدبيره .. وين هدّدني

اتشــــــــــــــــــــــــــــيله كيـف .. ومنهو يوَنّس خــــاطري الرهيف
يابو نياب تلـجّ كيـف السـيف .. لو ادّيرهـــــا نرجـــع انقبّ البــــيره
ونجرّد عليك الوطــن بالتحليّف .. وننده الشــّـيخ وفــــزعته وبنـديره
لا برعصي نخــلـّي ولا بوسيف .. م الزاوية لعنـــــــــد قبـــر الجيره
ونشكي لعنان ومجلسـه المخيف .. وللجامعة نمشـــــــي نقود مســيره
وفمجلس العمـــــــــوم بالتكليف .. نلقي خطـاب نذكـّـــــــره بالجــيره
واليابان نلزمهــــــــا أدزّ حليف .. وموقف الصــــين يهمّني تفســيره
ولمنديلا نتلفن مــــــــــع جنيف .. وكل المجـــــالس تنعقد فى حــيره
وين ينشدوني كيف صار وكيف .. نجحد، لخـــوفي ياخذوك اســـيره
ونقول حلمه من احــلام الصيف .. والا بصـــــاره وما هناك بصـيره
هي حنـــــــــونة ونا معبي كيف .. خلـّو الدّي تفســـــــــــره موجـيره
والهو مع العــــــراق والتجريف .. ودارفور وامواجـع الناس كبـــيره

إبسحب سفيره .. خلـّى العقـــــــل يـــــحير فى تدبـيره .. وين هدّدني

بن شويخه


Libya: News and Views      LibyaNet.Com      Libyan music       Libya: Our Home