Libya: News and Views      LibyaNet.Com      Libyan music       Libya: Our Home
Libyan Poet Ben Shwaikha
الشاعر الليبي بن شويخة

Tuesday, 6 June, 2006

ما لقيت فيه دباير

شعـر : بن شويخة

ما لقيت فيه دباير .. سته شهر سـته العام الداير .. امفيت دمعـتي

مفتقـــــــد ونســــــــــــــــــــــــتـّه .. فسته شهر ســته الفين وســـته
لا ديّها ، لا انمـــل مــن جلســــتـّه .. وشوقي الها نبقى مــزار وزاير
ونجلـّي جظار العيــن فى لمسـتـّه .. اللي قدرها ما توصلاش نظـاير
عيني اشــتاقت باينـه حــــــوسـتـّه .. وين يخطرو من نومــها تطـاير
وتنوّض سطير الجرح فى نوستـّه .. وتقعد تقلـّب فالــــزمان الجــاير
لأيام ما اصعب دفـرها ودعســتـّه .. والعقل يدوي مــن أحذاهن حاير
ويقول بالك تنـــــعدل نكســـــــتـّه .. ونبني احــذا هلها نديـــر عماير
ونقعد نصبّــح فى ســـناء بسمــتـّه .. ونمّسي على شكعة الوجه الناير

ما لقيت فيه دباير .. سته شهر سـته العام الداير .. امفيت دمعـتي

دمعتي ذارفـــــّـــــــــــــــــــــه .. على غيبته مولى الغثيث اسـفـّه
بوعين ســوده بوحجــاج وشفـّه .. اللي طلـّته تقلب الهامــــد فاير
اللي ضحكته كل العرب تعرفـّه .. اللي لمسته تخلف معـاك مواير
اللي جوفـــها ملفوف زينك لفـّه .. اللي همسها كيف النسيم الطاير
اللي ريقها كيف العسل لمصفـّه .. اللي هذبها كيف الجـريد الحاير
اللي مشيها معدول كي مــوقفـّه .. اللي خدها يضـوي تقـول بهاير
اللي جدّها منسوب ويـشــرفـّــه .. اللي عقلها ما يجيب غـير ثماير
اللي جبدها يشبه نهـــار الزفـّه .. فى قصر مســـدوله عليه سـتاير
خطرت عليّـا زاد عقلـي خفـّـه .. وقنبر يتقز فالشهـــــــور يخـاير
القي التاقزه توقد اللي يطفـّــــه .. عاود يخمم فى عقـــــــاب دباير
دف السوايا ع الزمان حذفــّــه .. وقال ما لنا إلا فــــــــــــــــبراير

ما لقيت فيه دباير .. سته شهر سـته العام الداير .. امفيت دمعـتي

بن شويخه


Libya: News and Views      LibyaNet.Com      Libyan music       Libya: Our Home