Libya: News and Views      LibyaNet.Com      Libyan music      Libya: Our Home

send

الإثنين 31 يناير 2010

previous letter                 next letter                 list of all letters

اهداء الي كل ليبي نحسبه نغار

نبدا كلامي بالصلاة عالهادي
علي سيد الخلق النبي المختار
******
ونهدي سلامى الليبيا الفتية
بشبابها وشيوخها ونسوانها واصغار
******
وانسبق اثقال الروز بالجملية
صلاية اوقات الله يبتهلوا مع لفجار
*******
ناس مايطيقوا ذل من بيتية
قضوا عمرهم كله عفاف عصار
******
كنا معاهم في حياة هنية
ما حاسبين حساب للي صار
******
وما عندنا فكرة بخبث النية
ولا حاسبين حساب لستعمار
******
نين فاجانا عطيب الجية
وقال انا مصلح لكم دبار
******
ونلقان ا عارفين من باديه
ما جاي شي يصلح ماجاء الا دمار
******
عطانا مسافة عام قول اشوية
وهو تحسبه من الثوب من البرار
******
نين ثبت اقدامه ودال عل المالية
ودال عل البترول فيدا صار
******
ودر من اصحابه الي منهم الخوف اشوية
من خوف يكشفوه ويرفعوا لستار
*******
الي موا بحادث بتهمة دنية
مومصدق نجوته الي منهم بثوبه طار
******
وقال يا صبايا كلكن جملية
راكن عبيد وما انكنش احرار
******
انكان تتبعني تدخلن جندية
وبيها انوريكن زهاء وانوار
*******
الي تبعت منهن مشت فالنيه
بقت من كلابه ادور في لبرار
******
لادين يمنعها ولا بيتية
ولا عقل وقضها عللي صار
******
والي عارضوا في هل السريب اشويه
مشا شالهم للحبس ولقهار
******
مرن علينا ايام موش اشويه
من ذل وقهاير وشنق وحبس فيه امرار
******
هذي حكايه خطرت اليوم عليا
والي جابها قالو اولاد صفيه
ايريد يارثوه عطبك عطاب نهار
******
نهار يحكموكم نهار يطفئ ضية
بعد هل الجرايم يبقالكم دبار
*******
ثوروا علي هل الوضع يا ضنا البيتية
ودستوركم خطوا بكل اصرار
******
ارفعوا علمكم في السماء يرفرف الوانه لها رمزية
لتاريخ متسطر بدماء لحرار
*********
له نشيد فيه امجاد حقانيه
يرفرف عليكم بكل افخار
*******
يحميكم قضاء نزية الكل فيه سوية
تحت ضله يبقوا الكل احرار
*******
والي تختاروه حاكم حتي من اولاد صفيه
يبقالكم راعي وانتم الي دبار
*******
هذى نصيحه من تجارب حية
وهذا وطنكم وانتم ضناه ابرار
******
هذى حكاية وطنا المرويه
قصيتها عليكم والحبل عل الجرار
*******

راجية فضل الله


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home