Libya: News and Views      LibyaNet.Com      Libyan music      Libya: Our Home

send

الإثنين 31 يناير 2010

previous letter                 next letter                 list of all letters

حقائق ليبية

انا المواطن الليبي البسيط جدا جدا. لست لي اي مسمي في الهرم الحكومي ان صح التعبير في ليبيا. ولست ملزما او مكلفا من اي كان ان ارد علي من يهلل للشر والعياذ بالله. اود ان اكد علي اشياء يابي الغير ان يتفهمها. تتعلق بالحياة العامة للناس في ليبيا . علي سبيل المثال امبراطوريات سقطت لاجل ارتفاع سعر الخبز والدقيق هذه السلعة في ليبيا من رخص سعرها تعباء السيارات كل صباح امام المخابز وتعلف بها الحيوانات .
الناس تتظاهر بالملايين لاجل ارتفاع سعر البنزيين من رخص سعره يلجا المواطنون من الدول المجاورة لتهريبه في براميل .الناس في العالم زعلانة من اجل الاجور والمرتبات فاقسم بالله العظيم ثلاث. غالبية الليبيين يتقاضوا في مرتبات ومنهم لا يعرف حتي جهة عمله اين والباقي يوقع في الصبح ويروح. واخرون ومااكثرهم لديهم اكثر من مرتب . العالم الاخر يشكو من ارتفاع اسعار الكهرباء.. فبالله العظيم معظم بيوت ومزارع الليبين اما بدون ساعة اوعداد واما في المنزل خطين واحد يخص المصابيح عالعداد والاخر براني. الناس في البلدان الاخري متعقدة من دفع رسوم الشقق الحكومية..
في ليبيا والله العظيم مافيش حد يدفع في مليم واللي موش امصدق ياخذ عمارات انجيلة بطرابلس ومدينة العلماء في بنغازي كمثال .رسوم الضرائب علي الانشطة طبعا مشكلة كبيرة خوتك الليبيين موش شورهم الكلام هذا . مليارات والله مليارات ضختها المصارف التنمية والزراعي والتحول للانتاج وغيرها اقسم بالله العظيم جلهم لا يدفعون حتي الاقساط المستحقة عليهم . السيارات وزعت مجانا علي الناس ومنهم الجيش والمعلميين والمجاهيين والفنانيين وغيرهم وغيرهم .
الايفاد للدراسة بالخارج ونعطيكم مثل علي الساحة البريطانية باعتباري متواجد بها من كثرة عدد الموفديين نشعر في بعض الاحيان كاننا بطرابلس . انزيد والا كافي. كل ماذكرته هو حقائق موجودة علي ارض الواقع . واذا كان فيما كل ماذكرت واحدة غير صحيحة لكم الحق ان تعتبروني منافق وكذاب .نقطة اخري مهمة جدا هي من يقراء ما كتبت يعتقد بانه تلميع لصورة الدولة لا والله ولكن احب الحق وهذا ربما لايعرفه من بقي سنوات طويلة خارج البلاد.
وما مشاركتي البسيطة في هذا التوقيت بالذات وبصراحة هو خوفي علي اهلي وبلدي. فهو بلد بكر ومحسود وليس بغريب ان يطمع فيه المستعمريين وزبانيته والذين هم في سهر متواصل خلال هذه الايام يتحينون فرصة للانقضاض علي اهلنا وعرضنا وشوفناهم كيف عملوا في العراق وضعوا مائة رجل عراقي عراة بعضهم فوق بعض . هؤلا العراقيين هم عرب ورجال مثلك. حدث كل هذا بحجة الديموقراطية للاسف لاصار من الديموقراطية وخسروا الارض والعرض ..وفي الختام انقولك اخي انتبه كويس موش وين تسمع عرس ترقص فيه. وما اتغلب غاية شخصية علي غاية كل اهلك في ليبيا. وكان فيه خلل واكيد فيه الكثيرمن الخلل نصلحوه مع بعض بهدوء تام واحنا الليبيين قدها واقدود ~ وانت ايها الاخر مالك علاقة شد مكانك وتريح !! توا انت !! انت بتورينا مصلحتنا !! وامتي اليوم !! تريحوا زايطيين ومرتاحيين ..الحمد لله يارب.

معتوق علي الحسناوي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home