Libya: News and Views      LibyaNet.Com      Libyan music      Libya: Our Home

send

الثلاثاء 25 يناير 2010

previous letter                 next letter                 list of all letters

مشاجرة بين تونسي وليبي

الليبي : إنتو رئيسكم غبي تبيله 23 سنة بيش يفهم.

التونسي : على الاقل رئيسنا فهم ,ولكل القذافي من غباه إلى الآن ليه 42 عام ومازال مافهم .

الليبي: انتو شعب فقير وقاطعه الشر حتى الخبزة ماعندكمش.

التونسي: بس عندنا كرامة و ما ننقزوش في حياش موش لنا , تي انتو حتى الطالبات خرجتوهن من محل إقامتهن الدراسية ,الشفاع يارسول الله.

الليبي: تي عدي بره انتم شعب معروف بالحسد .

التونسي: هاده كان زمان لكن توا ,كل العرب اليوم يحسدوا فينا وخصوصا انتوا ياليبيين , تحسدوا فينا ع الثورة الشعبية امتاعنا .

الليبي: تي والله حتى نحنا توا باديين فيها نار وزقوب ما نحكيلك عليه بكل ,حاجة لاقوة إلا بالله , أمغير ما فيش واحد يصور .

التونسي : صح النوم يابابا , انتو عدوا جيبولكم وحدين كيف لمريكان يحرركم كيف ماحرروا العراق . نحن شعب قلبه علي بعضه ويحب بعضه ,ام انتوا ثلاث دول خاشة في بعظها دولة برقة ودولة طرابس ودولة الامازيغ والتبو ,كحدوا روحكم قبل وشوفوا شن تبوا بالزبط بعدين تعال نحكوا ع التورا.

الليبي : تو والله لولا البوعزيزي راكم مازلتوا عبيد عند الزين بن علي.المشكلة القدافي الكلب عرف القصة و صادر كل البراويط إمتاع الخظرة من الشوارع ,تي وين يبي يحرق روحه الواحد؟

التونسي: البوعزيزي لو مافيش رجاله خدوا حقه من يبي يجيب منه علم أو حتى يسمع بيه , أهو واحد حرق روحا في الجزاير,هل في واحد يندري عليه , وما نيل المطالب بالتبني ولكن تؤخذ الدنيا غلابا , وفي لخير خليها تاكلكم.

الحيران
al_hayran2005@yahoo.de


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home