Libya: News and Views      LibyaNet.Com      Libyan music      Libya: Our Home

send

الإثنين 14 فبراير 2010

previous letter                 next letter                 list of all letters

آخر مرة للسيد عيسى عبدالقيوم

مع احترامى للجماعة هلى معاك راهم مساكين .
انا مشيت سافرت وجيت وقلت خلينى نفتح ونسوف هاجالية شنو صار فيها وممكن ايكون عيسى اعقل واحترمن شوى وراهو حتى السيد الهدار افطن لروحة شوى ولاكن بعد سفرتى وجيتى لقيت عيسى زايد اهبال وموقع على كل شى حتى المالية هلى من اختصص ابراهيم قدح العباس ولاكن لعند هنى قلنا ما علينا ولاكن بعدين شفته موقع حتى عالدستور هلى دعوله .

ياسيد عيسى

اذا كنت متحترمش هلى معك عل الاقل احترم الناس هلى تفهم فى الادارة يعنى الناس هلى تقر فى الكلام راهو متعلمة وعندهم تخصص فى الادارة وانا لقيت وجدين يضحكو عليك وانت تلهف فى كل شى .

يااخى كول وقيس وعطى الجمعة شويت حاجة من الهبر الكبير ولاكن تعطيهم الكلمات وما اظنى الا انت هلى كاتبه لهم وانت تاخذ كل شى وكيف ما قتلك من قبل حاط روحك فى كل شى .

احترمن يا عيسى واختشى شوى من الناس المتعلمة وما دام السيد الهدار طيب ويثق قيك والسيد قدح وطبعا الشهيبى من جمعتك لولين جماعة ؟؟؟؟

ياسيد عيسى

كلامى الاخير معاش نكتب مره اخرى.

انا انصح الجالية تنتبه لعيسى ومومراته راهو هذا هو عيسى امتاع موامرات وافكر ودسايس ومن زمان واول ما جانا لاحظنا عليه هاشى والزمن اكدنا.

وكل ما قاوله عليه جماعة هلى يعرفوه قبل ما يجى لبريطانيا طلع صحيح وخراب نجوع وما دخل فى حاجة الا فركسها او تعارك معاها .

اهو لاحظو ايش دار فى جماعة الجبهة وليش نمشو بعيد جماعة الموتمر هلى راكب فيهم اربهة وعشرسن ساعة .

وكيف ما برم على جماعة الجالية لولين السيد احمد بوشعالة توا اتشوفوهم شنو ايدير فى الجالية ما تاخذو على كلامه راهو سياسى ويعرق كيف ايتعامل .

اهو الجالية اليوةم من المتدينين وكيف ما كان يستهء بيهم من قبل اهو يرحب بيهم اليوم بيش تعرفو ايش نقصد يعنى التلون عنده حاجة طبيعية ويحسابها شطاره ولاكن المسكين ما يعرفش ان الناس تضحك عليه وفاطنين لطروه واسالوا عليه هلى يعرفوه كويس .

يا سيد عيسى

ما عاش اتوقع الله يرحم ولديك خلى كل وحد ايوقع على تخصصه.

السكرتير يا عيسى ما يوقعش هلى ايوقع هو المدير الرئسي هلى هو السيد الهدار.

انا نعرف الجماعة طيبن وميبوش ايتنافسوا على المناصب وانت تستغل فى ها الشى وتقدم فى روحك فى كل شى وهما على نيتهم وبعدين لتقوللهم القانون يعطينى هل الحق .

المهم انصح الجالية ان تفطن لعيسى وموامراته من البارونى هلى ملقيش عند طارق مدخل الى كل شئ نين تحصل عاجالية وياويلكم من عيسى .

تو بالله هل اتصدقو انا عيسى هلى يستهزء بيكم ويضجك عامتدينين منك يفرغ روحه ومن وقته هكى لله فى سبيل الله عيسى هلى من زمان تعارك مع كل واح حتى جماعة الموتمر والاخوان ووو واخير خذا هاجالية بيش ايحقق بيها مقاصده ضد الجميع وانتو هلى تكونو هالعدد.

فقاطعوه ولا يستغلكم ويستغل حضروكم .

نعرف بعضكم ايجى عليشانت الجماعة لخرين ولاكن اتمنى ان الجماعة لاخرين ينتبهو.

هذى رخر مره وانتمنى ان عيسيى يحترمنا ومعاش ايخلينا نكتبو اكثر واكثر.

والله مانى مقتنع ان عيسى مفرغ روحه هكى لله فى سبيل الله.

وانتو ايش رايكم.

الحاج القديم


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home