Libya: News and Views      LibyaNet.Com      Libyan music      Libya: Our Home

send

الإثنين 3 يناير 2010

previous letter                 next letter                 list of all letters

إلى حكيم الطبيب ( مخلوف المخلوف ) المحترم
بخصوص نادي الباروني

والله عيب عليك و على اللي ادير فيه , من يوم ما اطلعت من نادي الباروني وانت ما عندكش هم غير طارق حشاد و نادي الباروني و ما عندكش خدمة غير ان الحسد واكل قلبك , و الان جيت بحكاية محل الملابس خلاص ما عدش عندك احكاية ثانية من ان طارق وزع الفلوس للمعارضة و ان هو تابع المعارضة و بعدين ان هو اخدي الفلوس و وزعها ثلث للنادي و ثلث اخداهم و ثلث اعطاهم للمؤتمر الوطني و طبعا , تبي ادخل في الطبخة الساطور , و اكتبت كم مقالة على هذا الاساس ان الساطور عليه ضغوطات من شقيق طارق كل هذا باش ادير فتنة بين الليبين , انا نصحتك كم مرة يا حكيم فكك من الكلام الفارغ , و طبعا اللي يكتبلك في المقالات هو الصادق الفزاني ربي يهديه , هذا كله لانك القيت محل في مانشستر تابع للانكليزي صاحب المحل اللي ايبيع في الملابس الرياضية و امشيت صورته باش زعميتك تفضح طارق , لا يا استاذ حكيم الطبيب لازم تعرف في بريطانيا و زي ما و ضحنالك ان حتى المحلات التجارية في بريطانيا لازم اديرلها شركة واتسجلها باسم هذه الشركة , يعني مش زي ليبيا لما تبي تفتح محل ادجيب رخصة محل , في بريطانيا لازم اتسجل شركة و على اساسها يتم الشغل , و هذا مش موضوعي معاكم و طارق حشاد يقدر ايدافع على نفسه , لكن انك اتكبر من روحك بانكم اطلعتم من النادي و انكم ناس خيرة و ناس طيبة و ان النادي طلعكم وسرق اموال ودار روحه شخصية اكبيرة هذا و الله عنوان للحسد و الكره و البغض منكم , و انتحال شخصية مخلوف المخلوف حتى يتبين للقاريء ان كاتب هذه المقالة هو المعارض محمد مخلوف هو امر دنيء , و الله انصحت جماعتك كم مرة و ننصحكم على الملاء للمرة الاخيرة الحسد ما تاكل غير صاحبها , و الاهم ان لا نادي الباروني و لا طارق حشاد جابلكم سريب و لا هو معدل اعليكم , و انا نتمنى من طارق حشاد ما يعدلش اعليهم و لا ايجي شورهم لان هكي حايديرلهم قيمة ، و الكل في مانشستر يعرف من هو طارق و يعرف من هو حكيم الطبيب , و يعرف من اللي يخدم و يعرف من هو اللي اتحرك فيه غرائز الحسد و البغض , و و الله العظيم لا ادافع عن طارق بقدر ما هو الكشف عن الحقيقة , حقيقة هؤلاء الاخوة الذين لا هم لهم سوى التربص بنادي الباروني , و للعم اخبرني احد المنتمين الى نادي الشباب بان لو النادي فقط يسقط من حساباته موضوع نادي الباروني و طارق حشاد ربما يكتب له النجاح , و اخبرني بان الامر الذي ينغص عليهم حياتهم هو عند ذكر نادي الباروني لهم بالخير والثناء عليهم , و اخبرني بان اكثر شخص حاقد على طارق حشاد هو الاستاذ حكيم الطبيب و خالد نصرات , الاستاذ حكيم الطبيب هو من كتب مقالة نادي الباروني يحتضر , و لا يوجد اجتماع و يذكر فيه نادي الباروني الا و تشتم رائحة الحسد من مسافة الف كيلو متر , و خذ حذرك يا استاذ طارق من مثل هؤلاء القوم , و اتقي شر من احسنت اليه , و كل مقالة تسيء لكم اعلم بان السيد الطبيب هو من ورائها , و سامحني في الكلمة الجاية , و الله يا طارق انك هرواك و التهز في راسك زي الفيلولة ما تعرف من هو صاحبك من عدوك , خلليك امصحصح اشوية و اللي يعطيك كف ردهوله بزوز , بس مش مع جماعة حكيم و الفزاني , لان هادوا لما اتخش معاهم في صراع حايطلعوا همة الرابحين لان ايدورولهم في دور على ساحة مانشستر , و حينشهروا على حسابك , قالك مخلوف المخلوف , و الله صنتكم واصلة لكل مانشستر , حتى الاعمى صار ايشوف فيها , و الله عيب اعليكم و الله عيب , و قبل ما تتكلمو اعرفوا قوانين البلاد و اعرفوا ان فيه ربي فوق الكل , و عيب هالدسايس و المكايد لكن انشاء الله ربي يفضحكم اكثر و اكثر و اكثر و انا وراكم وراكم و الزمن طويل , و سبق ان حذرتكم من قبل و احذركم الان , و تقدمت لكم بالنصح مع بعض الاعضاء لما كانوا بنادي الباروني و انتم تعلمون بان السبب الرئيسي لترككم النادي هو المال , و المال وحده و لا غير المال ( ربما تكون هناك حلقة خاصة بهذا الشأن ) عندما رفض رئيس النادي ذلك و هذا الامر حدث امامي و بتواجدي , بل البعض منكم ذهب الى ان قال و بالحرف الواحد نبو نستفيدوا ونبو شقق لكن طارق الهرواك يبي روحه شيخ باش ايقولوا اعليه طيب و ما شاء الله اعليه , ما اوقفلكمش وقفة مزبوطة , و يومها حذرته و قولتله هذا اللي ادير فيه غلط و اسلوبك ما يمشيش مع الشكالات هادي , و اللى قاعد مش عارفه لما توقفوا قدام طارق توقعدوا زي الارانب , و سبحان الله انتم زمان ادقولوا ان الفزاني مفروض يطلع من النادي لان هو ثوري و عنده علاقة بالنظام , و اليوم انتم اعضاء مع بعضكم , و نصيحتي ليكم فكوكم من تتبع اخبار نادي الباروني و الله الناس تعرف من هو يخدم و من هو اللي اللي ما يخدمشي و يعرفوا من هو المحسدي و من هو اللي يحب الخير لاهله و فكوكم من ذكر الساطور لان لو طارق زي ما اتقولو عنده يد في تحريك الساطور معناها فعلا هو شخصية اكبيرة و مش زي ما اتقولوا انتم , ان شاء الله اتكون استوعبت الدرس يا مخلوف المخلوف ياحضرة المحترم حكيم الطبيب و ياريت تاخذ من اخلاق خوك الهدار حتى اشوية , اما الكاتب الصادق الفزاني احساباته بعدين هو و خالد نصرات و بوعجيلة البسكري من وراهم طبعا , انتم الان ماسكين مانشستر من غربها لشرقها , و انتم من اكتشف امريكا و انتم اللي لولاكم لكانت الجالية بدون مناشط , بالله انتم وين والاستاذ طارق وين , انا قلتلكم من زمان اللي ايحارب طارق حشاد حنحاربه لسبب واحد فقط , لانكم ما يحرك فيكم غير الحسد و الحقد , و طارق لانه هيدوق و على نيته و زي ما قلتم ما يحسبش فيها صح لان لو يحسب فيها صح ما كان جاب اشكال شكلكم للنادي , و لا مفروض اشكركم و لا مفروض هناكم حتى على ناديكم , وانا قلتها من زمان الاستاذ طارق امدايرلي فيها ماما تريزا , و انقوله اليوم فيق على روحك , اما انتم يا استاذ حكيم الطبيب امشي صور المحلات امتع شركة الملابس الرياضية , و خلليكم مع اخبار طارق وشن دار طارق وشن افطر طارق و وين اتغدى طارق , ياللي مانشستر واقفة اعليكم وانتم احسن ناس يا شكارين العروس .

ابن النادي الاصيل


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home