Libya: News and Views      LibyaNet.Com      Libyan music      Libya: Our Home

send

الخميس 3 فبراير 2010

previous letter                 next letter                 list of all letters

المراقب المالي جنوب أفريقيا

توا أنتم ياجماعة تحسابوا الراجل فاضي يرد على مكالماتكم واحللكم مشاكلكم الراجل عند مهام اممية لجمع الثروة والحفاظ عليها من الأيدي السوداء المتمثلة في الطلبة الذين الذين لا يكفون عن ارسال الفواتير كل صبح امنين تبوا الراجل ايدير قريشين علي حاله تو أنتم ما تفهموش والا شني. ثانياً تبو الراجل يرد علي مكالماتكم كل ساعة هو عند سبعين ألف موظف و طالب توا واحد عنده هالزحمة فاضي .
علاش ماتقدروش ظروف الراجل. والراجل ما يفهم في الأنقليزي هذا مش موضوعه خالهكم العلم والأنقليزي والراجل مايحبش ايكون في الصورة لكن انتم ما تفهموا في اصول التواضع والفاتورة الي توصل تدفع في اقرب وقت يعني شهور والجامعات تزرزر في الطلبة ما يفهموش مايحسابوش ان مكتبنا في المريخ والمراسلات تاخذ وقت والا الجماعة بيوا حصتهم (علي المسئولين ان يقارنوا الفارق في الوقت بين الآستلام من قبل المكتب و تاريخ الدفع) واحني كان نلقوه يطلع اشوف الشمس واشم الهواء النقي لمتي بيلبد.
واليكم سيناريو المالمات بالمكتب .... هلوا ليبين كلتشرال سكشن ... اهلاً المراقب المالي لو سمحت ...لحظة ... ميوزك ميوزك...
غير متواجد بالأسواق ....متي يتواجد ... غير معروف ...هل يمكن التحدث الي اي شخص أخر....شئون الطلبة لحظة....ميوزك لايوجد احد وهذا هو الحال. الشغل هلبة كيف ما قلنا والجماعة يخدموا في اسوعة في النهار والباقي شاهي و قهوة وانت ياطالب شني مشكلتك لو راجيت 3 والا 4 شهور المرتب قصدي المنحة عايش بيها أحسن عيشه وين تبي زيادة والا عندك مشكلة المكتب الشعبي في الخدمة غير اطلب بس والله أكثر دولة تخلفاً في افريقيا السمراء ماترضى ها الحال. ياخذوا في مرتباتهم ومزالوا نتفوا من مدارس اللغة حشمونا مع العالم الله احشمكم وهذا ما هو كذب يجوا ناس محترمة ويسالوا المدارس . طبعاً هذا جزء قليل من المشاكل التي تواجه الطالب في كل يوم ولنكون صريحين هذه الادارت غير قادرة على تسيير العمل الموكل اليها ربما نتيجة جهل او تقصير او لا مبالاة واين يكن المبرر فهذه ضد مصلحة الطالب وللأسف لم يحدث في أي يوم من الأيام ان تم مراسلة ادارة البعتاث او التعليم من قبل المكاتب الشعبية – بدون اصرار مسبق من الطلبة- لزيادة المنحة التي لم تعد تكفي الضرورات أو منحة الكتب التي لا تكفي احياناً لشراء كتاب واحد.
ولذا نرى ربما تكليف مكتب أجنبي بتسييرشئون الطلبة هو الحل الأمثل في مثل هذه الظروف .
والسلام

ع. ع.


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home