Libya: News and Views      LibyaNet.Com      Libyan music      Libya: Our Home

send

الثلاثاء 28 سبتمبر 2010

previous letter                 next letter                 list of all letters

العرق الازرق

_ يا جماعة .. احني ما نبوش اي واحد تربطه علاقة بتونس ...
_ عنده حق .. الناس هاذو .. ما فيهمش ثقة ...
_ انتم عرفتو علاش .. لانه ولاهم لتونس ما لوش حد ...
_ لا .. وبعدين .. يجي الواحد منهم يبي يدافع عن ليبيا ...
_ لا .. لا يا بوصاحب .. هاذو الناس لازم نصنفوهم .. وما نبوهمش يدافعو علينا ...
_ صح كلامك .. ولازم يعرفوا انفسهم .. لان احني مش غابين فيهم ...
_ وشوف .. الكلام ليهم .. كان يبو يتكولفو .. يشمو لخضرتهم ...
_ والله .. كلامك صحيح .. احني راضيين بقدرنا .. وما نبوش اي تدخل منهم .. بلادهم مش بعيدة ...
_ راهو يا جماعة .. وكلامي لكل احرار ليبيا .. الناس هاذو.. ينوضو .. اتطيح من حجرهم ...
_ وخلينا نسمعوهم مرة تانية .. ان احني ما نبوش واحد مولود غادي .. يدافع علينا ...
_ يا خي .. فهمنا .. انت تتكلم على كل " كمباك " والا ...
_ لا .. لا .. على الخضراويين بس .. لانه !!!
_ ترى .. انتم يا حاضرين .. ارجعو شوية التالي .. وشوف بصمات هاذو الناس .. على التاريخ ...
_ انت بكلامك .. تشمل حتى اهلهم ...
_ انا ما يهمنيش .. جده .. امه .. بوه .. من الشرق من الغرب .. المهم شنته حمراء ...
_ أيه .. ايه .. وتجري في عروقه الدماء ...
_ نهايتو .. تبي تقول اصحاب .. العرق الازرق ...

عبدالرحمن السبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home