Libya: News and Views      LibyaNet.Com      Libyan music      Libya: Our Home

send

الثلاثاء 28 سبتمبر 2010

previous letter                 next letter                 list of all letters

يا ساطور الشرقاوي وينك وإلا تخصصك ؟؟؟

http://www.almanaralink.com/new/index.php?scid=1&nid=19895
http://forum.kooora.com/f.aspx?t=25422098
ياساطور نعرفوك أنت متخصص ضد نادي الباروني مع صاحبك المختل عقليا فوزي عبدالحميد وأن النادي يتعامل مع الدولة , نحن نحترموا نضرتكم ونشاطركم الراي بس نبوا نعرفو شن رايك باللي إيدير فيه نادي النصر واللقاقة إللي إيزمزكوا للقائد إمتعهم وإمدايرين إحتفال وشنة وهيصة ,, أنت على خمسة وعشرين ألف باوند ما خلليت مادرت , و توا مش عارفين أنت شن بالدير راهو أرض مساحتها 30 هكتار من قوت الشعب الليبي , هبرة إكبيرة ياساطور وبالصور وكل شئ إموثق وإلا زعمة حتى همة جو من مدينة سرت , الشعب الليبي المسكين والتعبان وإللي كل واحد يتاجر فيه بإسم المعارضة , الكلام إللي نسمعوا فيه أنك أنت متخصص في كل شيء غرباوي يعني نادى النصر شرقاوي معناها خط أحمر خلليهم ياخدوا وخلليهم ينهبوا كيف مايبوا , وبعدين شن همه 30 هكتار وبس مش حاجة إكبيرة , وبعدين هادي أهدية من القائد , باهي شن رايك في فوزي العيساوي , أكيد مش سرتاوي , قبل إستلم سيارة من الساعدي وتوا أرض من القائد , أكيد حتى هوا توا تلقالا مبرر لأنه حتى هو شرقاوي , وحا أندكرك بالمقالة هادي في المستقبل لما حتعلق على نادي الباروني لأن صنتك فاحت ياساطور أنت وإللي زيك كل همهم هو نادي الباروني كأن أقتل جدكم وإلا بوكم أما نادي النصر فهو أحلال أعليه , مللك معارضة , معارضة العصبة وأنت يانادي الباروني والله قاهرهم وواكل وشارب علي قلوبهم صحتين وعافية كانكم صح رجالا ديروا زي ما يدير نادي النصر برقية للقائد إشكروه ومهرجان وإشوية إتزمزيك توا يعطوكم أرض في بريطانيا وما عادش إتعدلوا لا علي الساطور ولا علي فوزي البابور , هادوا تخصص نقد كل نادي غرباوي وغض الطرف علي كل نادي شرقاوي . والله إفضحتهم ياباروني حتى وأنت مش في المعمعة .

غرباوي موت


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home