Libya: News and Views      LibyaNet.Com      Libyan music      Libya: Our Home

send

الإربعاء 28 يوليو 2010

previous letter                 next letter                 list of all letters

غيابياً.. د. حكيم الطبيب يعلن طلاقه من بوعجيلة البسكرى

يا دكتور حكيم اسمعنا أنت وجماعتك بالديروا نادى جديد وحتى اسمه اخترتوه وسميتوه نادى الوطن شن صار بعدها :,قالوا انكم متحشمين من بوعجيلة البسكرى لأنه تورى أكبير وكلموكم بعض الناس اعليه وما عدش أعرفتوا وين تمشوا لا إيمين ولا إيصار ولكن ننصحكم كان تأجيلكم على إعلان نادى الوطن هو على خاطر بوعجيلة البسكرى هذا احرام اعليكم وإذا كان فيه أسباب تانية قولوهالنه لأن هكى تظلموا الجالية وولادها وحطوا في بالكم أن أعداء التورة هم إللى لا يريدون بوعجيلة البسكرى بناديكم وهمه من إيطلعوا فى الإشاعات ولهذا ما تعدلو على حد واعلنوا نادى الوطن وديروه بالشمال وفكوكم من الجنوب لانه مليان من الشكالات المقلبة المعارضة إللى ياكلوا فى الغلة ويسبوا فى الملة.
وما هي صحة الإشاعة إللى أتقول أنك يا حكيم أجتمعت بالريشى بلندن واعطاك كمشة افلوس كاش وجاي بيهم لمانشستر باش أترتب امورك وخطيت على البسكرى بوعجيلة كان هذا هو إللى صار أشهد بالله أنك العبتها صح, بس ننصحك على الأقل ديرلك نشاط حتى كان متواضع باش ما يقولوش ألهف الفلوس كلهم بس لازم تقسم مع اصحابك وما أديرش إللى داره رئيس نادى البارونى وزع التلت للمعارضة واشوية للصغيويرة والباقى الهفهم أبروحه وخلاّكم عرم.
بس فيه ناس تعرفكم أكويس قالو والله ما تقدروا أديروا ختى حاجة وقالوا أنتم حتى الكلام ما تعرفوش تدوو فالحين فى القرمة وأدفنقى والجري وراء الفلوس وبس ,شن رايك وإلاّ إللى نسمعوا فيه كدب, نورنا يا دكتور حكيم .

عزالدين الشبو
شمال مانشستر


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home