Libya: News and Views      LibyaNet.Com      Libyan music      Libya: Our Home

send

الجمعة 27 نوفمبر 2009

previous letter                 next letter                 list of all letters

كبش العيد كتب وصية

كبش العيد كتب وصية ... قال الجمعة ضحوا بيا .
كبش العيد ظروفه شينة ... ينظر في الأمواس بعينه .
طمّن كبشك وامسح دمعه ... راهو عيدك يوم الجمعة .
كبش العيد خذا الأكيدة ... قالوا يوم الجمعة عيده .
كبش العيد سايل دمعه ... حاير بين خميس وجمعة .
كبش العيد امنتش صوفه ... قال الوقفة مش معروفة .
كبش العيد ركبله السكر ... بين خميس و جمعة يفكر .
كبش العيد لقيته دايخ يبي ... فتوى يا مشايخ.
ما اتخللي كبشك في حيرة ... يوم الجمعة عيدك ديره .
كبش العيد كفكف دمعه ... وقال الذبحة يوم الجمعة .
كبش العيد جاته لَيّة ... ايراجي في النشرة الليبية .
وينك وينك يا نموسة ... جاك العيد وأحلى حوسه .
كبش العيد امغير ايخمم ... على تعييد الجمعة امصمم .
كبشي قدم احتجاج ... ايريد العيد مع الحجاج.
راه كبشك ما اتخاف عليه ... يوم الجمعة تو تشويه.
كبش العيد تمنّى موتة ... ولا وقفة عرفات اتفوته .
يا كبشي ما اتسيل دمعة ... بإذن الله العيد الجمعة .
كبش العيد شكا مستغرب ... قال اتفقوا وإلا نهرب .
أنا كبشي كارس في حقفة ... خايف ما يحضرش الوقفة .
كبش العيد حلف للتيس، أنموت فطيس .. و لا ايذوقوني يوم خميس
كبش العيد قفل نقاله ... قال الشعب الليبي حالة
كبش العيد خذا قرار ... يوم الجمعة مهما صار

م. ز.


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home