Libya: News and Views      LibyaNet.Com      Libyan music      Libya: Our Home

send

السبت 27 مارس 2010

previous letter                 next letter                 list of all letters

افروشمال " أمقران"*

*... _ افروشمال.. اسم كبير.. كبر ألادرار
_ أخي.. هذا مصطلح غريب...
_ يا راجل.. أسكت..ما غريب الا الشيطان...
_ هذا مصطلح يجمعنا ويكبرنا.. يا جماعة...
_ خلوه يطنطن... هذا... فاضي...
_ اسمع.. انت راجل صغير.. خليك ششة*...
_ لا... لا.. ما تاخذهاش هكي...
_ يا ناس.. الارقاز* زي اي تراس عنده رؤية...
_ إيه... إيه... ما فيش باس... ترى ثقفنا...
_ يا سيدي.. العالم كله.. بدأ يكتل... وأحني...
_ إيه... وين أحني..وين... أذوكاي طارو طيارة...
_ والله... ان شاء الله.. يفرو حتى فران...
_ ايوه... ايوه... وأحني ديما وراهم....
_ خليك.. انت.. بس وراهم...
_ يا جماعة... بالله عليكم... من غير قطاف...
_ اسكتولنا شوية...يا هوه... خلي نسمعو الراجل...
_ اسمع... يا ارقاز... أني دوة.. افروشمال ما هيش خاشة دماغي...
_ أنت.. لو جيت تفهم... هيا بلاش منها...
_ نفهم.. والا... ما نفهمش.. منين طلعتلنا بها الفلسفة...
_ اسمع.. بلاش بيزنطيات.. العالم قاعد يكبر.. واحني قاعدين نحشو...
_ انا ندير في الشاهي.. وقاعد ما تكلمتش...
_ لا... لا... عندك الاذن... قول كلمتك....
_ تبو الحق والا جاره... أني مع الافروشمال.. لاني فهمت معناها...
_ شفت.. اني قلتلكم.. راهي كلمة كبيرة... وموش غير هكي...
_ والله.. حتى أني.. يا جماعة.. هاالكليمة خشت خاطري...
_ يا اصدقائي... كلمة.. افروشمال.. تعني كتير....
_ انت تقول.. كتير... غير اعطينا شوية....
_ خلاصة كلامي.. هذي الكليمة.. حا تنسينا في لغة اقطاف الامس..
_ أني.. ما نعرفش لكن أني نقول..هذي كلمة راح تفتح باب جديد...
_ تقصد باب جديد.. نخشو منا...
_ لا...لا.. نسكروه عليك... ونخلوك داخل...
_ الله.. عليك... كبسة يا بوها...
_ لا... لا... لا.. ما تخافش..الافروشمالي.. لا يخاف ولا يخوف...

عبدالرحمن السبتي
( كاتب افروشمالي)
كندا
ــــــــــــــــــــــــــــــــ
*الكبير
* الجبل
* نتفة من اللحم
* الراجل



previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home