Libya: News and Views      LibyaNet.Com      Libyan music      Libya: Our Home

send

الأثنين 27 أبريل 2009

previous letter                 next letter                 list of all letters

عجايز ليبيات فى عرس وبالتحديد يوم الحنه

(أبيات شتّاو شعبية قديمة تكاد تندثر، وعلى الرغم من قسوتها الظاهرة إلا أنها وسيلة تعبير عن الفرح وبعض المناكفة الودودة بين الأسر المتصاهرة، ويا ليت من له أبيات شتّاوة مشابهة يوافي القراء بها)

أهل العريس:
يا أم اشروط اتقول شكاوى ياريت ولدنا ماهو غاوى

أهل العروس:
ولدكم ما درنالا شى ... جانا يجري كي الجدي

أهل العريس:
عروسك يا خايل الالباس جراده تشعبط ع الساس

أهل العروس:
ها البشوبو الى جبتنا ... كان اتريدنّا خودنّا

أهل العريس:
لانك عين ولانك جمّه ... ولانك من عيله تسمّا
* يسلم جيّاب الدبله فرّح هلعيله المنهبله
* سيقانك سيقان دجاجه... ما جيناك الا من العازه

أهل العروس:
ولدكم بو كرعين اكبار ... جانا يجرى كي الحمار

أهل العريس:
بو عين كبيره فلاته ... لو ماجاها راهى جاته*
وين ضنا سيدك يا بنيه لين خذوك البرّانية

أهل العروس:
آهن جن خواته وامه .... لباسات كنادر قومّه*
حلّ الباب على وسعيته جاك بقر عمري ما ريته

أهل العريس:
هالبقر اللي ريتنه جاب العجل اللي تبّنا*
لولا طروحك وسطوحاتك ما جينا لعريقيباتك

أهل العروس:
يا عوينهم يا عوينهم لولا القرده اللي بينهم
(طبعا المقصود بالقرده ام العريس) هذا تراثكم والله غالب

أم ليبية


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home