Libya: News and Views      LibyaNet.Com      Libyan music      Libya: Our Home

send

الجمعة 26 نوفمبر 2010

previous letter                 next letter                 list of all letters

الجمعية تسأل والزنتاني يجيب

لقد تجاوز الموضوع حد المعقول ، وخشينا فى اتهامات وتشهير وطعن ، وريد ان اذكر فإن ( الذكرى تنفع المؤمنين ) ، جمعية الجالية الليبية فى مانشستر ، والحديث للشبح الذي يقول ان اسمه على الزنتاني ، وهو اسم مستعار لم نسمع فى مانشستر من قبل ، يا سيدي علي اعلنت الجمعية عن انتخابات فى كل الممواقع ، ويوم الانتخابات حضر كما العادة العدد المعتاد ، وقلبها حضر عدد اقل فى حفلة عيد الفطر ، وتقدم اخوة افاضل نعرفهم وهم اعضاء بالجمعية ، وكيف الطرق السابقة انتخبوههم ، وروحوا لحياشهم .
الجالية كانت تطالب بنظام وتنظيم هم عملوا النظام الجيد .
الجالية كانت تطالب بحفالات مقيومة هم عملوا ذلك.
الجالية كانت تطالب بابعاد الجمعية عن السياسة هم عملوا ذلك.
وبعدين بالفلاقي خلينا نتكلموا بصراحة مش الجالية 90 منها تروح وتجي للبلاد ؟؟ ، وتتعامل مع السفارة وعلى الريشي ، شني تبي تفصلهم كلهم ؟؟؟؟ ، وخيرك ما تسبهم واتريح روحك من النفاق.
وبعدين شبهة انهم تبع امانة مغتربين والريشي عندكم عليها دليل ولا غيرتصيدوا فى المية المسخة ، الاخوة نعرفوهم كويس ونعرفوا تاريخهم بلا لعب صغار ، خلوهم يشتغلوا للجالية بلاش حسد .
وبالنسبة للاجتماع اعلن اسمك يا بوها واعلن مكان الاجتماع وخليك راجل ، وكنك كنت صادق نقولك اشترك فى الجمعية والانتخابات الجاية قدم نفسك بالطريقة الشرعية وخوذ الجمعية وصلحها على طريقتك ، اما انك ادير فتنة ، وعامل فيها ابوشهاب وتعلن انسحابك ، غير انت منو بس نين نعرفوا انك انسحبت والا انت اصلا مش عضو فى الجمعية ، وعلى خاطر يا حويج اللي مش عضو فيها ما اظنش عنده الحق يقول انا عاجبني والا مش عاجبني ، شني رايك كلامي صح ولا الا . وتريس مانسشتر عمره ما جبتهم بطونهم ، وكان هكي راهم مشو لعزايم هلبه علنوا عليها فى لندن ومانشستر ، جابتهم اخوة وصداقة انت بره منها ، لان شكلك عمرك ما درت صاحب ، واسلوبك الخسيس ما اضني يخليك ادير رفيق ، كل اللي تشوف فيهم فى الصور اصحاب وجيران ونسايب واحباب ، مش قلت لك انت مش من مانشستر ؟؟؟؟
ايوه يبقى صلى على النبي ، وخليك مع التريس المحصحص ، والرجال اولاد البيتيه ونطلب منك تجاوب على كم سؤال قبل ما تطلب من رئيس الجمعية يجاوبك.
واحد ، ما هو اسمك الذي تتحمل به مسؤولية كلامك.
اثنين ، هل انت عضو بالجمعية او لا.
ثلاثة ، هل انت من سكان مانشستر او لا.
اربعة ، ما هو دليلك على اتهام الجمعية بالتبعية للريشي والا للجن الازرق.
خمسة ، هل بعثت للجمعية او تكلمت معاهم ورفضوا كلامك .
ستة ، هل تعرف عقوبة القذف والنميمة والفتنة .
ومن طرفي انا نقولك حامض اللبن على الجريوات ، جربو غيرك هلبة وجت على رؤسهم ،افطن لروحك وزلات لسانك ، مانشستر صقع عليك وعلى الريشي ونقولك صقع حتى على جلود كان رد للشغل حتى هو ، والجالية مش لعبة تحركوها باسماء مستعارة ، اللي راجل يبي يقود رجاله يكتب اسمه ويعلق صورته ، اما لعب الفروخ يزينا منه ، وعندنا عودة قريبة ممكن تكون باسماء من اشتركوا فى هذه المهزلة والسخافة والانحطاط وفقدان الرجولة ، الذين استغلو الحرية التى يبكوا عليها فى ليبيا للافساد فى بلاد الحرية ، اصحاب النفوس المريضة القلوب المسوسه .

بوها


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home