Libya: News and Views      LibyaNet.Com      Libyan music      Libya: Our Home

send

الثلاثاء 25 مايو 2010

previous letter                 next letter                 list of all letters

يا خسارة

ياخسارتكم يا صهد ويا طيار ويا سويسي، هدا عقابها تساسوا علي باب الجزيرة وتتجدّوا فيها باش تقبل منكم حتى رسالة. هدا كله نتيجة لاعمالكم في الجري وراء مصالحكم الشخصية والقبلية والعائلية وتكديس الفلوس في الحسابات الخاصة، بدل ماتديرو بيها مؤسسات اعلامية محترمة تخدم القضية الوطنية. ايام زمان كان عندكم تنظيم الانقاذ وميزانيات بالملايين (من السي آي إي والحكومة السعودية): وين مشت الفلوس؟! فيلات في فيرجينيا واتلانتا واستثمارات في البورصة وعقارات في كرومويل رود في لندن تقدر بعشرات الملايين. اسالو فتح الله بزيو او سالم سالم هما يعرفو مني الي خانب 3 مليون دولار من حسابات الجبهة قبل ما يسيبها ويعلن استقالته منها ( قالوا بزيو والدلال توا قاعدين يجهزو في سلسلة مقالات تحت عنوان: الجبهة وعبث كوازي فيرجينيا)!! نحن في الانتظار يا بزيوة.
مؤتمر المعارضة (الي سميتوه وطني) والي دار "تفرقيعة" اعلامية ما دامتش اكثر من يومين، حتى ان الشعب الليبي وبعض دول العالم الثالث يحسابو حق وتعاطفو معاكم في وقتها، حتى هو حصلتو من وراه تفتوفة باهية مشت في الجيوب، وشنو الي صار بعدها: شمّام باعكم ومشي يخدم في قناة الجزيرة (تحقق الغرض – الشهرة والفلوس والبطن اهم من الوطن والي يجي من وراه)، وحسن لامين بأنانيته وأمراضه النفسية (كله من الشويشة) دارلكم ربكة باهية باش يدير موقع واسم بالفاضي (وكل شي من اجل السمعة المزورة يجوز)، والعشة ومرته فطومة بانو علي حقيقتهم (او قول رجعو لاصلهم الثوري) ونبذوهم الناس، والهرواك الرقعي زعما زعما مثقف (هزلت ورب الكعبة) بان غباءه وتربيته المنحطة الشوارعية كيفه كيف صاحبه الحشاش كمال كعوان، والحشاش الاخر المصوراتي الهاوي عمر الهوني (عشرين عام مصور وقاعد هاوي - اسالوا عليه جمعة القماطي او محمد مخلوف كان تبو تعرفو مع شكون يحشش)، وغر شنو الواحد يبي يقول بس. ويقولولي علاش المعارضة فشلت ؟؟؟!!!
الفاشل لما يقعد يكرر في الفشل متاعه كل عام مش احسنله يمشي يردم روحه في الرملة وماعادش يوري وجهه للناس بكل خير. لكي الله يا ليبيا.

وطني حقيقي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home