Libya: News and Views      LibyaNet.Com      Libyan music      Libya: Our Home

send

الإثنين 22 نوفمبر 2010

previous letter                 next letter                 list of all letters

محاورة بين العقل والعين

قالت عيني ودي في مشيه لبنغازي       الي فيها احبابي واعزازي

ودي في لمة لحباب       الي فرقاهم غير عذاب      وفي ملقاهم دوم انراجي

قلتلها

وين   اليوم ليبيا فيد العفنين     الي مافيهم ما اتعازي...  بقلة خير وقلة دين

اليوم عاثوا فيها بنغازي..       واحبابك فيها قاعدين             في رحمة مولاك ايرجوا

رد ت نفسي

قالتلي يلا          ديمه صايدتك هل العلة        في ابلادات الله اتلاجي ...

انسيتي بلادك واهاليها         وانسيتي تربيتك فيها

انسيتي احبابك والجيران        والحوش الي دوم مليان        بالاحباب وفيك ايراجوا

حتي اولادك كبرتيهم     بعيدين علي اهاليهم        لاجد ولا عم ايجيهم...  الا غير نصاري تبيهم

اعيينا فيك امغير انعازوا

قلتلها بلادي        وطيف بحرها وطيف الوادي        كايدني لرياف عليها...

اوحق الي خالق بنغازي        ما تهنا العيشه الا فيها

الا احبابي يا محلا لمتهم        ناس اعزاز لهم قيمتهم           ما والي ينظام احذاهم

في لحضه راد الله وكتب           ابظالم جاهم متصلب             ولا سلاح ولا شئ معاهم ...

وبادرهم من غير سبب            بالتحبيس وشنق ضناهم

كل الي حيله زين              هرب شايل همه وبيه يزازي

قالتلي ربي            ما يخفاش عليه امخبي      يحن علينا ويوازيها

ونرجع لبلادي من غبي

انلم اقشاشي انقول لبنغازي اليزم ماشي         امريكا مالي حاجه بيها

ويا محلا العودة لبنغازي

واضافت

واجدابيا محلاها      فيها طفولة رائعه وايام ما ننساها        الا الجود والكرم لثنين من مبداها

ودوم موقعها في وسط الجواجي

أم أسامه


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home