Libya: News and Views      LibyaNet.Com      Libyan music      Libya: Our Home

send

السبت 21 نوفمبر 2009

previous letter                 next letter                 list of all letters

يا عرب يا عرب ... جوكوم الطليان هوه

كالعادة و كأي شاب ليبي عايش فى عصر الجماهير عصر الهايك والذفنقى عندي فراغ ما نحكي لكم زايد عن حده ( الله ايسود ايام وايجازي من كان السبب ) فما عنديش وسائل تسلية الا الانترنت , الخلاصة خشيت اليوم انهييج فى المواقع الليبية سواء كانت مواقع شريفة وصادقة او مواقع الدج دق والشذوذ السياسي (ليبيا اليوم واخواتها .... و اويا وقورينا والسلاطة الثاني ) انشوفو بالك فيه خبر او حويجة جديدة انهدرزو بيها فى الليل فى مربوعة صديقى اللذوذ (م) , مالقيت شي لا جديد يذكر ولا قديم يعاد ,قعدت انقلبش فى المواقع ف لقيت خبر جانبي لفت انتباهى فى وحدة من مواقع التطبيل و التزمزيك وليبيا الغد و ليبيا البطاطا , ممكن فيه منكم اللى قراه اهو الرابط اللى يبي يقرا
http://www.akhbar-libyaonline.com/index.php?option=com_content&task=view&id=28827&Itemid=1

, الخبر للى مايبيش يضغط على الرابط ان بنية طليانية من البناويت اللى تلاقى معاهم الفريد من نوعه اللى ما زيه حد ( فى حقده وكرها لليبيين) قررت انها اتزور ليبيا و تقبل دعوة شيخ "الاسلام" وامام المسلمين بدون منازع (ابن رزالة بن تمام كشف الله سره ) ( لاحضو اسم امه شنو معناه بالليبي ....اه اه وشكشكى يا ماكينة القرادل) .....اكرم وانعم بالشيوخ .....
طبعا البنت هذى باين عليها فالحة وقارية هلبة عن نظام التهرويك فى دولة الخرط والذفنقى أو ممكن عندها بوي فرند عربي حكى لها الجو اللى صاير فى ليبيا و الهيذقا أو ممكن تعرف واحد من جماعة المكتب الشعبي (زبونة ليلية يعنى وتخلص بالمئة يورو بالساعة ) و ماأدراك ما جماعة المكاتب الشعبية الليبية فى الخارج و بالاخص فى تشيكيا وبولندا وروما و بره شنكة واللى ماعنده شاهد كذاب و هما بروحهم ايهدرزو فيها لما ايديرو فى زيارات لليبيا) هي البنت باين عليها شاطرة فى الحساب و ضربتها فى دماغها وحسبتها حسبة صح و قالت لروحها انا فى ساعتين خديت تسعين يورو من ذقنهم معناها لما انعكس عندهم شهر وفى فندق كورنثيا وواكلة وشاربة وسواق على حسابي ومحاطة بمجموعة من الاغبياء و فى الاخير بكل تفسيحة باهية وبية ... زعمة قداش يعطونى ها الهراويك ؟ طبعا حتى هما بيدعوها الى الاسلام بطريقتهم الليلية اللى احنا عارفينها .
زعمة الدور توا على اوربا حتى هيا تبي نصيبها من ثروة الليبيين ؟ خلاص الزرق شبعو وجي الدور على اللحم الابيض بيش ياخد حصته حتى هو؟ وقالك دعوة القذافى تؤتى ثمارها ....
تصبحو على خير .

بحر الدموع
طرابلس ـ الهضبة الشرقية


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home