Libya: News and Views      LibyaNet.Com      Libyan music      Libya: Our Home

send

الأحد 21 يونيو 2009

previous letter                 next letter                 list of all letters

بعثة الأمم المتحدة تجري مفاوضات مع الفار الليبي؟

وسط الحالة المضطربة والمتوترة في شرق ليبيا علي اثر ظهور بعض الحالات المصابة بالطاعون عفانا وعفاكم الله من هذا المرض. ظهرت العديد من التساؤلات حول أسباب وتوقيت ظهور هذا المرض الذي كان منسي ويعتقد الناس بأنه انتهي ولم يعد له وجود.

إلا إن تصريحات الفار الليبي بأنه هو وراء نشر هذا المرض كتعبير عن راية في استعادة حقوقه التي سيطرة عليها القط. وبما إن الفار هدد بأنه يمتلك السلاح النووي (الطاعون) إذا لم يتم الاستجابة لمطالبه فسوف يتسبب في كارثة إنسانية وبيئية لم يسبق لها مثيل.

بناءا علي هذه التصريحات تحركات الأمم المتحدة ووصلت إلي ليبيا لتتفاوض مع الفار الليبي وإجباره علي الانضمام إلي اتفاقية جنيف لوقف التسلح. إلا إن الأخ الفار رفض التوقيع علي هذه الاتفاقية إلا بعد التفاوض علي التفاصيل والاستجابة لمطالبه.

تم ألقاء بين الفار وبعثة الأمم المتحدة وهذا نص المفاوضات بتفصيل:

الأمم المتحدة: آهلا أخ الفار

الفـــار: أهلا بكم في ليبيا وخصوصا في الطرشة، أحنا آسفين معندناش شاهي ولا سكر لان المصرين معادش خلو حاجة.

الامم المتحدة: شكرا يافار نعرفوك كريم ولكن احنا جاين قاصدينك ونبوا نتفاوضوا معاك ونعرفوا خير دعوتك طلعتلنا بهذه القنابل والأسلحة وأنت تعرف إنها تهدد المجتمع الدولي وجميع المخلوقات. وحنا نعرفوك عاقل وبرغم من معرفتنا انك تمتلك هذه السلاح الفتاك، إلا انك مافيش مرة استخدمته ولا حتى طلعته في وجه اشد أعداءك القطوس. واحنا نعرفوا لو ان القطوس عنده هذا السلاح كان من زمان خرب الدنيا كلها.

الفـــار: شكرا ليكم علي الكلام الكويس بس باش تعرفوا إن العقل مش بالحجم ولا بالكبر صح القطوس كبير وسمين ولكن عقله في ديله والله لو كان عنده ها السلاح كان أنفاكم كلكم وميعرفش ان هو يمشي فيها. وعلي سيرة القطوس انتم جيبتوها من الاخير اني هذا موضوعي.

الأمــــم المتحدة: شنو تقصد يأسيد الفار وضح؟؟؟ احني راه معاك لان نعرفوا مطالبك ومناش متحركين إلا بعد أن توقع علي الاتفاقية لان فيه علينا ضغوطات كبيرة.

الفـــار: أني من الأخير كنت شاد أعصابي من زمان والطقوس يستفز فيه وخلص معادش إيعدل، حتى يفوت من احداي مايشوفليش حتى اشوف. أني الفار بعد ان كنت الشغل الشاغل للقطوس؟ وهو كان ايعكس بالساعات وهو ايخنس غير نطلع من جحري باش يجري اوراي. وكنت اني آكلته المفضلة، توا يراجل معادش ايعدل بعد ماكبرت بطنه وتعلم يفتح في الثلاجة ويسكر فيها بديله. توا هذا كلام يجماعة توا هذا مش استفزاز تمن هو القطوس، والله زمان تلكه يجري وراء الناس ويطلصق غير باش يحدفوله عظمة ولا شحمه، يتلصق قريب ايبوصلهم علي رؤوسهم هالقاق توا ولا حاجة كبيرة ومعادش ايعدل. لكن خليه أي.؟؟؟

الامــــم المتحدة: ياسيد الفار احني متفقين معاك وهذا كلام مايصيرش منه والقطوس راه غالط وحتى إلي سمحوله بان يتخلي علي وضيفته الأساسية هما غالطين؟؟.

الفـــــار: شنوا قصدك بوظيفته تقصد انه كان معارض قوي لينا. لا انت مش فاهم حاجة الي فاهمين زيك علي خلط. ياسادة القطوس ميقدرش علي الفار ولكن حكمة من الفار وحفاظا منه علي سلامة المجتمع الدولي كنا وين عندنا فار مريض بالطاعون نحدفوه للقطوس وحني نتفرجوا عليه يلعب بيه وياكله هو يحسابه امحصل يغمه في الفار ولكن الصحيح والحقيقة إلي متعرفوهاش ان الطاعون مايموتش الا في بطن القطوس. هذه حقيقة والله منبش انصرح بيها لكن انتم جايين من بلاد بعيدة ومنبيش انكون زي القطوس الا احشيشته التنتيف والتلقليق والتلصيق اني الحمد لله الي عندي امكفيني.

الأمــــم المتحدة: مطالبك يفار ارتجوك سعدنا علي إيقاف هذه الأسلحة المدمرة احني مستعدين نتعاون معاك وندعمك ونضغط بقوة علي كل الجهات المسئولة لتلبي طلباتك.

الفـــــار: مطلبي لازم تخلوا القطوس ايولي لعمله الطبيعي. اتعكيس علي جحر الفار بالساعات انشاءالله ايموت لازم ايراجي باش اول مانكتشفوا أي فار عندنا مصاب نلوحوا هاله راه لم منلقوش القطوس ايراجي نلوحوا بره ومعندناش دخل لو الفار هذا جبلكم حاجه متقلوش الفيران خلوا بالاتفاقية.

ثانيا: لازم ايجي القطوس ويعتذر للفار علي كل الفترة السابقة إلي كان فيها غائب ويضحك علي الناس.

ثالثا: يوقف القطوس الحركات السخيفه الي ايدير فيها في احياش الناس الي امربينه ومعادش يخنب حاجة من الثلاجات لان سمعت إن القطوس ولاء احشيشته غير يرقدوا الناس يمشي لثلاجة. سبحان الله حتي ان مشفتش ناس يسكروا في ثلاجاتهم بالقفول غير في ليبيا.

رابعا: لازم ايولي القطوس لعاداته القديمة ويتخلي علي الحركات إلي ايشوف فيها في التلفزيون يعني لازم ايولي يعتمد علي نفسه زي زمان مره ينقز ازريبه ويخنب دجاجه ومره ينقض علي ارينب صغيره ومره يقطع خيط القديد ويرد روحه لا شاف ولا راء.

الامـــــم المتحدة: هذه هي مطالبك والله شوي صعبة لان القطوس في ليبيا أصبح هو الكل في الكل وماضنش مازال يرض ينزل روحه لهذا المستوي.

الفـــــار: اني هذه مطالبي تبوني انوقف حربي ضدكم لازم تتعاونوا معايه ونعطيكم فرصة من هني خدوا لان يكمل الصيف. بعدها كل واحد اشدر روحة.

الغزال


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home