Libya: News and Views      LibyaNet.Com      Libyan music      Libya: Our Home

send

الثلاثاء 21 ديسمبر 2010

previous letter                 next letter                 list of all letters

نقطة نظام

ياعالم ياناس .. ياشعب تبلد عنده الاحساس.. ياشعب بدل الدهب بالترفاس .. اصحوا وردوا لعقولكم. ياناس معاش تخلو حد يجمل عليكم هادى ارضكم وهادى بلادكم بالقياس.. انشدوا جدودكم واهلكم وفكوكم من الوسواس وانتم قعدتوا تتجدوا فى هالعيلة وتمجدوا فيهم تقول هما اللى خلقوكم. خيركم ياليبين قعد نصكم فرماطة وعواينية على بعضكم وحساد .. خيركم شادينها فى جرت بعضكم ومسيبين فلوسكم فى يد الوسواس الخناس..اشبحوا العالم كيف فاتنا بسنين وانتم قاعدين فى الرطيزى الاولى منور ياقايد منور ياسيف ياطياح السعد وخلاص.. خيركم شن صارلكم ياشعب.. اتشفوا تونس اللى كنتم تقولوا عليها المعفنة كيف ولت مع انها افقر مننا بوااين.. خيركم ماتشبحوش فى دول الخليج .. ماتشبحوش فى مطاراتهم ومستشفياتهم وطرقهم خيركم انسحرتوا ولا شن صابكم.. خيركم تفتخروا بالقوادة والبصاصة اللى يعبدوا فى هالعيلة من دون الله.. خيركم تسبوا فى بعظكم وفلوسكم يوزع فيهم على الطليان وعلى افريقيا ومستخسر فيكم طريق باهية ولا مجارى مسرحة .. تشن هدا راهى فلوسكم وفلوس صغاركم اللى يشرتعوا فيها على العاهرات والحرامية وعلى موغابى وتشاد وموريتانيا وخلى عاد هداك البليد اللى يبزعق فى مصر بالمليارات.. تباهى خايفين مش مشكلة الموت حارة لكن شن جابرك على القوادة.. ٤٢ سنة وهو عافس على ارقابنا ودايرين ارواحتا رجالة قدام نساوينا وماكيفنا حد وتخبط مية تراس مايطيحوش الفين واحمد ابراهيم رصبده ٣ مليار.. خيركم وتشبحوا فى ارواحكم مرضى وتعباتين وعافسة عليكم الحياة وقاعدين تبيبوله.. خيركم مش قادرين تتخيلوا حالكم بلا هالعيلة وهالزمرة الفاسدة.. ارحموا بعضكم وساعدوا بعضكم وخلوكم قلب واحد واعطفوا على خوتكم وهى خاربة خاربة.. واللى تعرفوه بصاص معاش تكلموه ولاتعدلوا عليه واللى يحرس فيهم اشبحوله من تحت رجليه لانه وكال قوادة .. خيركم وشكرى غانم جاكم فى يومين لهف الدنيا وانتم تتفرجوا وتسبوا فى بعضكم.. الساعدى صرف مية مليون فى تقعميزة فى هوليود وانتم تنشدوا على سعر البطاطا.. سيف قللكم بنقدم المساعدات لفقراء العالم وانت نصكم قاعدين عزابة واللى ساكن مع بواه واللى بالايجار واللى بالقرض خيركم ميتين وكانكم حييين ياعنبوك حياة . عازة والله حالنا ... توينكم ياهو شن مزال تراجو وبلادنا قعدت خربة وشحادة والزمرة الفاسدة الشلفط قعدوا ينظروا علينا.. اخ وخلاص.

المتكنطى جدا


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home