Libya: News and Views      LibyaNet.Com      Libyan music      Libya: Our Home

send

السبت 20 مارس 2010

previous letter                 next letter                 list of all letters

مسيو صلاح بوشيمة.. حقده على طارق حشاد أكثر من القذافى




معقولة يا صلوحة يابوشيمة حقدك على طارق احشاد اكثر من حقدك على القدافى والظاهر ما عندك شئ أديره غير نادى البارونى وطارق حشاد,, هذا كله لان ما روحلكشى بولدك للبلاد ,, لا حولة ولا قوة إلا بالله وإلاّ انت خايف من القذافى لأنك اتفكر باش أتروح للبلاد وإلا صورة القدافى أمدايرها رتوش عالماشى باش ما بشكش فيك حد , أعلاش وازيت صورة حلوة للقدافى فى حين أتشوه فى الصور التانيات كلهم, مع العلم هادى الصورة الأولى للقدافى بينما هذه الصورة العاشرة للسيد طارق, أنا الشاعر ما نعرفاش باش نكتب اعليه لكن صورة الوسام انت تعرف أن اشخص إللى قلد الوسام للاستاذ طارق هو من اداريي نادى النصر و كرموا النادى ورئيسه وهذا من باب كرم اهل بنغازى للضيوف وهذه عادات أهل الشرق لمّا إيجيهم ضيف يفرحوا به مش زى بعض ناس محسدية , أعلاش الحقد عاميك لدرجة إللى تقعد تكدب فيها على خلق الله و خاف ربك , أنا شخصياً ورقتلك من يوم إللى أتهجمت فيه على طارق بعد ما طلع من الإجتماع ولأنك أنت والغباء أصحاب انزلت فيها إيمين وشمال وكعورتها باش ربى يفضحك , ما هو أنت هكى ما تعرفش تتصرف,, لا يا استاد صلاح ,, وبعدين إذا هو نادى عساسين ما هو حتى أنت بعدين إيسموك عساس لأنك أنت واحد من ولاد النادى وقبل يومين حاضر إجتماعاته ,, لا يا صلوحة مش هكى المعاملة عيب , أسبوع إللى فات جيت أتهدد وتتوعد والباين أن طارق حشاد حارقلك أعصابك ومش أبعيد الصادق إيدفلك فى المراكب وأنت قاعد زى الزكار تنفخ فى الزكرة وما تحسابش الجماعة كلهم ورقولك ,,, عيب يا بوشيمة والله عيب , لكن أنا مش حانسيبك و إذا طارق حشاد واخد فيك مقلب أنا شفت أبعينى وأسمعت بودانى الحقد والكراهية إللى تضمرها لصاحبك طارق , والتهديد والوعيد ,, لكن إللى ثقافته ثقافة العسّاسين طول عمره يقعد عسّاس ,لكن أعلم يا صلوحة نار الحسد ما تاكل غير صاحبها , وأنت يا طارق رد بالك من هالأشكال المقلبة , أنت مرات تبى روحك راجل طيب وابديرلى فيها اخلاق وعيب وأحنا ليبيين , تيهادا حنش يلدغ وأسمعنى اكويس فيه تحركات بينه هو وبين الصادق الفزانى وناويين عالشر هو لان ما خديتلاش ولده لليبيا واضربته قدام الناس والصادق باين أعليكم حطيتوه عالرف وهو اقريب يطربق وقاعد إيعبى فى الجماعة , ولهذا رد بالك وخللى أعيونك متفتحات هالايّام , لأن رأس صلاح بوشيمة كان تفتحة ما تلقه فيه غير طارق حشاد والغباء وبس , أنا والله احكمت يا صلوحة أعليك من اليوم إللى جيت فيه تتكمر على طارق وأنت يا طرووووووووووقة امدايرلى فيها إخوان مسلمين وطيبة زايدة , باش إيقولوا طارق طيب ,فيق من نومك فيق , وانقولك حاجة تانية الأخ صلاح مش حا يجى للحفلة هو إينافق فيكم فى الإجتماعات هو أمعاكم لكن إيحاول إيحطم النادى , والله عيب أعليك يا مهراس , خلليك راجل ولو لمرة وحدة .وخودة منى عهد يا صلوحة والله كل موضوع أنت اتنزله على طارق وإلا النادى أنا شخصياً حا أنزل اعليك موضوع لأنه أحنا ما شفنا من طارق إلاّ كل خير وأنت تعرف أن النادى وطارق والجماعة كلهم طيبين وإذا همة فصلوا ولدك من النادى وإلا ضربوه أنت بالدير هكى معناها القدافى عنده الحق إيقاطع أسويسرة والحمدلله إللى أنت ما تحكمش لأنك لو أنت تحكم كان طارق مسكين فى ذمة الله , بعدين يا صلوحة أحنا ما عدشى أعرفناك أنت معارض وإلاّ تورى فهمنا أنت منى قبل كل شئ , انا متوقع فيه صفقة بينك وبين النظام لأن الفاميلى امتعك أسمعنا روحت للبلاد , مع منى الصفقة درتها , ومنى إللى أضمنكم وشن هو الثمن إللى قدمتهولهم ,هذا ممكن نتكلموا فيه الحلقة القادمة ,مسكين يا صلوحة الجماعة فايقة بيك وأنت رايح فيها .

رمزي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home