Libya: News and Views      LibyaNet.Com      Libyan music      Libya: Our Home

send

الأحد 20 يونيو 2010

previous letter                 next letter                 list of all letters

شيطان الارض

_ تبي الحق .. أني اللي ما فهمتاش .. علاش الليبي ينكر هجرته لتونس ...
_ ولا .. فيه اللي ناكر حتى ولادته .. غادي ...
_ يا ودي .. هذا كلام .. ما يجيش لبعضه ...
_ يا جماعة .. أني نبي نعرف شنو هو العيب ...
_ لا .. لا .. راهو ما فيش حد منهم يقولها ...
_ تعرفوا يا عالم ...العيب الكبير هو نقدهم لبعضهم ...
_ ايه ...ايه يتعجبوا في بعضهم زي ما قلت ...
_ أني ... يا ناس... مولود في الجزائر ولا يمكن ننكرها لو يلزوني من الارض ...
_ ماهو ...الجزائر ...مش كيف ...
_ ترى .. فيه حد يعطينا الفرق ...
_ اسمعوا .. أني نقول لكل دولة سمعتها ...
_ اسمع ... خلينا .. كل بلاد فيها الكويس وفيها ...
_ ايوه ... زي ما يقولو .. البطن تجيب الصباغ والدباغ ...
_ لكن .. والله.. لو اتجنح ما فيه واحد يقولك أني من تونس ...
_ ماهو ... كل واحد معروف في مكانه ...
_ وبعدين .. يا جماعة ...هاذوا تصرفاتهم واضحة ... حتى اللي ما يعرفش...
_ أني يا جماعة ... ما نبيش نفتفت .. ولكن ...
_ لكن شنو ... يا بو صاحب ... والله العظيم .. يتم البترول وتشوف ...
_ والله عندك حق ... البترول هذاشيطان طالع من بطن الأرض ...
_ ما يدوم حال يا غالي ... الأيام بيننا ...

عبدالرحمن السبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home