Libya: News and Views      LibyaNet.Com      Libyan music      Libya: Our Home

send

الأحد 20 ديسمبر 2009

previous letter                 next letter                 list of all letters

سؤال لمعمر القدافي

شاهدت مقابلتك مع مجلس التخطيط وسمعت الكلمه التي قلتها التي ليس فيها شي صادق الا قولك انك لا تفهم في الاقتصاد واخيرا اعترفت انك جاهل.
وسؤالي لك هو اذا كنت لا تفهم في الاقتصاد عليش مدوخ راسنا زمان محاضرات علي الحاج موسي والحاج عمر وبعدين كيف تقول انه عندك جزء اقتصادي في الكتاب الاخضر(الحمد الله عمري ما قراته) وتدعي انه حل للمشاكل الاقتصاديه ومادام انك لا تفقه شي في الاقتصاد لماذا طبقت في ليبيا نظام اقتصادي بائس ادي الي كل هذا الخراب مع ان اي مواطن بسيط يعرف ان الاقتصاد لو اصبح في يد الدوله معناها فسلده لماذا اقفلت مصانع الليبيين واقفلت محلاتهم وشجعت لجانك الثوريه علي الزحف علي البيوت وعلمتهم الاستمتاع بالحرام بل شجعتهم علي نهب ممتلاكات الناس وتوه خلاص ما يقدوش يعيشوا من غير نهب وسرقه .
والطامه الكبري بعد هذا الخراب وبعد ما اصبحت الوظيفه الحكوميه هي الوسيله الوحيده للعيش تبي تتخلص من الموظفين تبي الحل عليهم ان يوجدوا لك الحل في الكوارت الي سببتها .
المروض انت تقولهم الحل مش انت المفكر والمعلم وشريت شهادات دكتوراره فخريه بعدد سكان الشعب الليبي (انشاءالله ما تكونش وحده منهم في الاقتصاد).
واخيرا بدل ما تلقي محاضرات للشعب الياباني ياريتك تسألهم بس كيف وصلوا لهذا التقدم وخاصه في فتره 40 سنه بعد الحرب العالميه الثانيه وبعد ان دمرت اليابان بالقنابل.

مواطنه ليبيه


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home