Libya: News and Views      LibyaNet.Com      Libyan music      Libya: Our Home

send

الجمعة 20 أغسطس 2010

previous letter                 next letter                 list of all letters

أحسبها صح يا ريشي

ايقولوا كل دولة ورجالها ودولة ليبيا عودتنا أن رجالها متغيرين يعني الواحد من رجالها يصبح عدو يمسى صاحب للدولة والعكس صحيح وآخر مثال لذلك الخوجة والريشي .
كيف ما نعرف كلنا بيش ايصير الإقناع في أي موضوع مش بس الكلام الباهي يسدّ لازم المكان وصاحب الكلام يكون مقنع بطريقة كلامه ومصداقيته وصلاحياته الموكلة له وغيرها من المعطيات، فمثلا في مكان الريشي ما ينفعش انجيبوا شيخ من شيوخ ليبيا امتاع المواعيد واللي عمره ما طلع بره من حدود الوطن لأن الموضوع أكبر من كلام باهي ورز ولحم ومع ذلك السيد الريشي ما هواش عاجبني في سدّ المكان اللي قاعد فيه لأنه يحاول انشاء نوادي ومنتديات وروابط اجتماعية في المهجر بين الليبيين ، وكيف ما نعرف أن أقوى الروابط الإجتماعية هذه هي روابط الدم والجوار ، فأخوك ثم ابن عمك تلقاهم في أي مكان في العالم أقرب لك من أي شخص في العالم ويجي بعدهم الجيران ثم أبناء الحي والمدينة وحتى لوية اللسان إلها دور كبير .
المهم يا يا مستر ميتشو بي إذا كانت هذه السلعة امتاعك اللي اتسوق فيها في أمريكا وأوروبا والحق أن الموضوع اكويس بس الناس اللي وراه الله أعلم بنواياهم فضلا عن أعمالهم اللي كلنا ذقنا منها نين ارتوينا وعلى مدى سنوات. يرجع مرجوعنا للسيد علي الريشي وكيف ما اتقول العرب لوله الحرة أول ما اتزرّب تزرّب بيتّا وكيف مايقولوا :الأقربون أولى بالمعروف فقد رأيت أن أذكّر سي علي بأن أخوه محمد امتاع شركة البريقة هو أولى شخص بالنسبة له للمواصلة والمصلحة ومن رايي قبل ما اتلم الليبيين في المهجر وتخليهم ايحنّوا على بعضهم اهو دونك خيّك محمد قاعد قريب ايموت .. افزع له بكم ربطة من اللي اتوزّع فيهن شناقل ؤمناقل على الأقل هذا خوك ؤما يبيش يبرطع بيهن راهوا مستحق لعملية على القلب كيف ما انت عارف .
انا عارف انك صبّيت امعاه المرّة لوله وصرف الحجازي من خزينة الدولة اقريب من الأربعين ألف دولار كيف ما قلت وعارف أن هذا تجاوز من الحجازي لوى بيه ذراعك وطلب منك اخديمه ما كنتش ادّيرها له لولا الأربعينه اللي صرفها على خوك في الأردن ،، ومع ذلك مش مهم "فنكولو" في الحجازي و"فنكولو" في من يقول ثلث الثلاثة كم لأن هذا خوك يا بلعوط ؤتقدر تصرف عليه حتى من الفلوس اللي لهطتهن .
رد بالك اتقول القصة القديمة انك مستعد تصرف عليه من مالك الخاص وانك طلبت منهم ايقولوا لـ ادريس غيث يصرف عليه ويدزوا لك الفواتر بيش اترد الفلوس لـ ادريس ... يا راقل عيب عليك رانا في عام 2010م وقصة صعوبة توصيل الفلوس ما عادش تنفع في هالوقت. ورد بالك ادّيرلي فيها نزيه ؤمش امتاع واسطات.. خوك المنقول من جردينا لواشنطن وينهو من النزاهة وعدم المحاباة والواسطة .
بالنسبة ليا نا خوك هذا يستاهل ما هو فيه خاصة بعد قصة المكيفات امتاع مقر شركة البريقة الموجود في ميناء بنغازي ؤمنّي نا اجعنّه ما روّح ...لكن بالنسبة لك فهو خوك يا نعن جد الشيطان خوك يا راس اللحم خوك يا سراق خوك يانعن بو ضناك .
ؤبعدين انت شن خاسر ما هو كله من دار السلطان الكريمة ..حمّل المبلغ على شي فاتورة من فواتير المطاعم أو مصاريف الهوتيلات اللي قاعد اتبرطع فيهن . وفي النهاية الموضوع في صالحك لان اللي ما فيش خير لهله ما فيش خير للناس .
سلام.

عزالدين


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home