Libya: News and Views      LibyaNet.Com      Libyan music      Libya: Our Home

send

الثلاثاء 19 اكتوبر 2010

previous letter                 next letter                 list of all letters

زوجات القذاذفة في سفارتنا في لندن

واك واك ،، لما تمشي لأي لمة دايرتها وحدة من نساوين الموضفين وإلا غيرهم وتسمع كيف زوجات القذاذفة اللي في المكتب يحكوا وكإنهم جايات من كوكب تاني وبالأخص زوجة المراقب المالي القذافي هاذي ما تشبح في حد . تحكي على شعرها وين تقص فيه والقصة بخمسمية باوند وعن الشعر اللي شالاته من بيطانها ومن وجهها بالليزر وعن اظافرها وكيف تديرلهم في موني كير وعن الأكل اللي تاكل فيه واللي ما يضرش وما يسمنش ، وعن السواق اللي يرفع فيها للشوبنج وللنسرفة في شوارع لندن ..
ياودي عيب عليك رانا كلنا ليبيات والتواضع راهو مطلوب من الوحدة اللي مليانة بالحق مش اللي فارغة ومليانه كانش من الحرام ورزق العباد..
والثانية مراة المستشار الثقافي القذافي اللي حتى هيا شاده جرت اوخيتها وتحكي عل السواق اللي يرفع ويواطي وعن الشعر والعطور اللي تعرفهم لما كانت ترعى في المعيز وكيف لما اختها جتها في لندن عطاها سعد 4000 باوند واحد صرفاته في لندن والباقي روحت بيهم لليبيا رزق حرام في حرام وزعمه سعد كان جاته اخته بيعطيها هالمبلغ ما ضنيتش..
وفيه وحدة ثالثة مازلت ماتلاقيت معاها ويقولوا بوها ضابط كبير وزوجها مسئول الأمن في المكتب زعمه هاذيك كيف تحكي .. لما نتلاقا معاها تو نخبركم ...
(بالحق هيا ليبيا ما فيهاش كان القذاذفة علي شان يخدموا في المكتب منهم اربعة وإلا خمسة )..

زوجة عمران


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home