Libya: News and Views      LibyaNet.Com      Libyan music      Libya: Our Home

send

الجمعة 19 نوفمبر 2010

previous letter                 next letter                 list of all letters

موقع جيل يرفض نشر التعليقات

الشيوخ اصحاب براكة جيل رفضو ينشرو تعليقات القراء على الي ينشرو فيه في براكتهم وهدا الي جاي عينات منها. لولاني كان على فيديو الشيخ الاسلامي الجهادي (قبل) ، الاصلاحي الجذري (في وقت واحد) ، العلماني الخواجا الشبوب (توا) عيسى بيك عبد القيوم هاكم اقرو واستمتعو:

(غر شنو السلاطة هادي يا سي عيسى. يا راجل تحشم على روحك وخليك في كتيبة المقالات متاع شدان الحبل من الوسط خيرالّك ، متاع مرة قورينا ومرة غنيوينا ومرة جيلينا ومرة شموسينا ، حسب الجو واتجاه ريح التملق !!. الانتاج والاخراج والتقديم المرئي مش ليك وماتفهم فيه قرام واحد. كان هادا حال ومستوى المعارضين والي عايشين برة ومستمتعين بالحضارة والتكنولوجيا، مالا كيف نلومو على اللى يخدمو في تلفزيونات العضمة! غر ليش حاطط اسم ليبيا مع الجورنال بس. وقالك نقرا ومتخصص في الاعلام. حشمت الليبين كلهم الله يحشمك). وهدا رابط الصفحة:
http://www.jeel-libya.com/show_article.php?id=23718§ion=11

التاني على واحد اسمه صابر يمدح في جمعة القماطي في براكة جيل عقب نشر تخربيش ليه مؤخرا. حبينا نردو على السي صابر وبعتنا التعليق الي جاي للبراكة لاكن سماحة الشيخان القزيري وصنع الله ما عجبهمش التعليق ورفضو نشره. المشكلة هادو مرات ينشرو في كلام مش كويس على ناس تانيين وغير حقاني وبالدات على جماعة النضام لاكن لما يوصل النقد لصحابهم في المعارضة الفاشلة النشر ممنوع. بالشوية بالشوية براكة جيل قاعدة تحبش تالا صحافة التوريين (من توارى تورية فهو متوّر) وتمرد تالا صحافة المعارضين (من عارض يعارض فهو عارضة) زي موقع بنيامين (بن لامين اسف) وموقع استررزاق ليبيا (ياودي نقصد اخبار ليبيا). وهدا اهو التعليق الي رفضو ينشروه وشيرو علينا كان قلنا حاجة بطالة ولا ابتلينا علي الناس هادو بشي غير حقيقي:
(يا صابر راك غالط في جمعة هلبة امتى تعرفت عليه او تعاملت معاه سواء لما كان في الجبهة او في المنتدي او حتى بعد ما بدي يستجدي في المؤتمر باش ايولي عضو فيه وياخد منصب كبير زي مادار صاحبه عادل مكراز الي اختفي ويقولو انه رجع لي ليبيا هو لاخر!!!
ببساطة جمعة شخص انتهازي ومصلحجي يعني مصلحته الخاصة تاتي قبل اي مصلحة اخرى ومستعد ان يدير اي شي من اجل دلك زيه زي معظم الليبيين فمتنخدعش فيه هلبة وتحكم عليه لانه قال كلمتين في الاداعة. من حضه انه تعرف على الشامس مبكرا واصبح لاصق ليه صبح وعشية وشغله معاه وعرفه على هلبة ناس مهمين. الاخوان ماكانش يشرفهم باش ينتمي جمعة ليهم وهدا علاش مابوش يقبلوه معاهم بسبب علاقة اللصقة مع الشامس الي طردوه الاخوان، وسيبو الجبهة هما التنين وقعدوا بروحهم يبحتو علي اي دور ليهم.
لما كان في الجبهة جمعة كان رئيس مخابراتها في بريطانيا وكان يقوم باعمال قذرة للمقريف والشامس ضد خوته الليبيين واسال مخلوف او سالم سالم او ابريك سويسي او زكريا صهد كان تبي تعرف اكثر عن اللبز الي لبزه القماطي. هادي حقايق وتاريخ وليس ابتلاء على حد وان كان طال بيك العمر ياما حتسمع وتشوف لما تكشف كل الاوراق وينعرف كل شي علي حقيقته. الي يخش في المعمع زي هدي يتحمل الي يجيه. قالك سياسة ونضال ووطنية). ورابط الصفحة اهو تلقوه هني:
http://www.jeel-libya.com/show_article.php?id=24184§ion=1

وهدي فرصة باش نهمسو بكليمتين للسي جمعة بعد مشاركته في البالتوك الاسبوع الي فات.
يا جمعة انت كنت تابع لعاشور وحتقعد تبع ليه الى يوم الدين.
دورك في المعارضة تم من يوم ماسيبت الجبهة الي دارتلك قيمة ومن غيرها ماكنت تسوى مليم انت واحد ملي كانو سبب في تفرق المعرضة والمعارضين والانبطاح وتبويس اللحي الى درته لمفتاح الطيار خلى الحضوريقولو هدا يبي تتكيم غر الناس كانو طيبين معاك كنهادا راهو جابولك الخارت منو الي درته والكلم الي قلته على الموتمر والي توا جاي تتزلفله يا لئيم .

الصادق


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home