Libya: News and Views      LibyaNet.Com      Libyan music      Libya: Our Home

send

الجمعة 19 نوفمبر 2010

previous letter                 next letter                 list of all letters

كبش العيد المسيس

مهداه الى الشعب الليبى
وكل عام وانتم جميعا بخير وبركة

كبش العيد تعب وادمّر ... قال شوفولى موضوع امعمر
كبش العيد اجدى القايد ... مايبى خلطة هالشعب الكاسد
كبش العيد بكى واشّكا ... راجا رحمة من ربه اتفكا
كبش العيد شكا للقاضى ... رافع شكوا ماهو فاضى
كبش العيد مضغ واطنن ... عارف موضوعه متزنن
كبش العيد هرب بنطوعه ... فاطن لاخرها ملطوعة
كبش العيد ضحك متمسخر ... شاعر روحه فيها متقطمر
كبش العيد سئل جلود ... وينك هالمرة موعود
كبش العيد اذكر حاله ... ردد هالعطيب مالى وماله
كبش العيد امسلم روحه ... لرب العزة ماشى بروحه
كبش العيد رقا واجعد ,,, حقه غالى ماهو امقعد
كبش العيد امعنقر قرنه ... ليّة وصوف وهيره مرنه
كبش العيد عيط لمه ... قال ابعدنى من هالغمه
كبش العيد سئل عالوقفة ... سارع بالهجره للحقفة
قال وراسك مانى عايد ... مرّه وجنسيه بها سايد

* * *

كبش العيد سئل ايضاحه ... منها علم ومنها راحه
اخبار الجـارف وصلاته ... مرواح ولوم ومعاناته
كبش العيد سلح سرواله ... هرول للخيمة فى حاله
لجان وسلطه استدعوه ... ناضوا فلفجر وطبوه
لقا هالخلقه فى انتظاره ... نقه سوده وشين ادباره
توبه وسكته منا طلبوه ... وخشه وطلعه له طمنوه
حقد وظلم واستبداد ... وزيادة تنكيل فى العبـاد
كبش العيد تفل مستحقر ... خوف وذل فيهم مستاصل
حقد وحسد الشعب ارّوحه...رب الكون عارف بجرّوحه

* * *

تلقى رجعه وتلقى امراجع...يقلى فى طاجين قلّيه
وتلقى الحاج حمد قى غيّه...يكتب فى تقرير فى خيّـه
امن ولقاقه وفرماطه ... بلادن خربت مىّ شماته
ووك عليك ووك عليا ... مللى ساير فيك وفيا
وين بلاد بـوسـعديـة ... شّرق من تونس بشوية
وين خربة بـوسـعدية ... دونك ليها فالعـزيزية
وين خلاص بـوسـعدية ... دبر تلقاه بعد اشوية
.اه اه اه اه
ووط عليك ووك عليا ... مللى ساير فيك وفيا

اعدها: بوسعدية
فى المهجر (ومافيش حد خير من حد ياقايد)



previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home