Libya: News and Views      LibyaNet.Com      Libyan music      Libya: Our Home

send

الإربعاء 19 مايو 2010

previous letter                 next letter                 list of all letters

زوبيه والديمقراطيه

كتب الاستاد زوبية مقال ( هل الديمقراطية سيئة لدرجة أننا نخاف منها هنا في المهجر؟ ) ، وبداء فيه بالسخرية من الجالية بانها لا تفهم فى الدمقراطية ، وانه يريد ترسيخها فى مانشستر وهم يرفضونها وخوذ من هالكلام وغادي , اللي خطر على بال الاستاد بعد عشر سنوات اقامة فى مانشستر .

يا سيد زوبية أليات الديمقراطية تقول انك تتقدم واذا لم تنجح تحاول مرة أخرى ، وليس تخربها وتقعد توزع فى الاتهامات ، من قبل ما تبدا فى مشروعك كتبوا لك يقولوا انه ما يعرفك حد ، هل سمعت فى حياتك ديمقراطية فاز فيها شخص لا يعرفه احد .

يا سيد زوبية الحل ليس ان تهرب الى لامام وتبدا فى مهاجمة الجالية ، او تنتقم منها بطريقتك ، الحل الديمقراطي هو تصلح اخطائك وتبدا فى جولة اخر ، اتصل بالجالية ، احضر معاها ، قدم برامج ، ورشح نفسك وربي يوفقك ادا كانت نيتك خدمة الجالية .

كلا قصة الهجوم واتهام كل الناس بانهم فاشلون ، وتركيزك فى اجتماعك على مهاجمة الناس بدل الحديث عن مشروعك هدا يعني انك لا تفهم فى الديمقراطية ، وانك ليبي قح جاي تقول انا خير منهم وخلاص ، لو تكلمت كما قال لك الميلادي بشكل مسؤل وهادي راك كسبت الحضور .

وبعدين حتى على اعتبار ان كل اللي حضور وافقوك وكانو ديمقراطيين على طريقتك الباهيه ، كم عددهم ، حسب ما شفت لم يزيد الحضور اذا نحينا الجماعة اللي جو معاك على (16) شخص هل ستكون ديمقراطية باهيه اذا وافقوك 16 شخص ، وتقعد مش باهيه اذا قالولك ما نعرفوكش ، الموضوع يا سيدزوبية انك انت اللي مش فاهم شنو معنى الديمقراطية اللي تبي تعلمها لنا ، خاش على الجبل بقادومة ، وتبي تنجح والا تتهمنا ، عدي شوف كيف يتصرفو اللي يفشلوا فى النتخابات وبعدين تعالى نحكوا .

ياريت تهدي روحك اشوية ، وتفكر بعقلك ، وبلاش المعارك الوهمية مش ناقصين هم ، وحاول مرة ثانية وخليك ديمقراطي ، وننصحك وننصح كل اللي اغرتهم فكرة الشغل الاجتماعي ان يقتربوا اشوية فى الجالية ويقدمولها خدمات ويخلوها تتعرف عليهم قبل ما ينطوا وتجي طيحتهم على الرأس ، شني بيصيرلكم كان شاركتوا الجالية سنة والا اثنين نين تعرفكم ، مش خير من هزيبة ما نعرفوكامش اللي يقولولكم فيها فى كل مكان .

المهم اهو حصلت اشوي دعاية من الزيطه اللي درتها على الإقل توه فيه ناس هلبه يعرفوك .

ليبي عادي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home