Libya: News and Views      LibyaNet.Com      Libyan music      Libya: Our Home

send

الاثنين 17 مايو 2010

previous letter                 next letter                 list of all letters

شاهد عيان علي ما حدث فى إجتماع الجالية الليبية

كان ذلك في مسجد ديزبري مانشستر كان المتحدث الاول الزوبيه اعتذر عن التاخير وعرف بنفسه وبالاخوه اللذين كان بجانبه علي ان احدهم خبير كمبيوتر والثاني مستشار قانوني !. ثم بدأ بالحديت علي الجالية الليبية وانه طلب منهم الحضور ولكن لم يستجيب وذكر عيوبها وعدم صلاحيتها وقال. القائمين علي جمعية الجاليه غير مؤهلين ولا يفهمو في الاداره ولا توجد لديهم اداره فقط عندهم منتخبين وليس اداريين ، ولا اعرف كيف هذا ؟!.

الليبيون ليس لديهم عمل تطوعي وميحبوش العمل بالبلاش ، واستمر واكثر من 20 دقيقه يدافع علي نفسه انه بري من التهم الموجه اليه علي صفحات الانترنت .

.وذكر ان الدعم لازم يكون من الدوله اما التكافل ودفع 10 باوند عن كل عائله بهذا مستحيل لتكوين جاليه واللي عنده 3 اولاد بدال ما يدفع 30 جنيه في حفلة العيد يمشي ياكل بهم في مطعم خير ، وذكر ان هذه الاموال هي ليبيه وليس من الحكومه ، الحكومه ممكن تتغير في اي وقت وممكن تبق 50 سنه اخرى (فال الله ولا فالك ) .

وان الجاليه مشتته ولازالت تتخاصم علي الصلاة في طول السروال وقصره وقال انشاءالله يصلي لابس سروال ولا عريان ، المهم ليبي ، وقال انهم ليس لديهم مشروع ، ولم يقدموا شي للجاليه ولا اعرف كيف ناصر شكري مسك بعد الدكتور ابو شعاله ، وان الجاليه هي لاهل مانشستر فقط ، وهذا قانون الجاليه ، وقالولي ان القانون تغير ، ولكن هذا التغيير غير قانوني لانهم لم يعلموا بلدية مانشستر بهذا واسالو المستشار ، والمستشار هز راسه صح .

وقال اما مشروعي فهو اسس علي القانون من الاول ، وله دستور ولجنة اداريه ، وهما حتي لجنه اداريه ماعندهم .نحن سوف يكون عندنا منتخبين ، ومنتخبين موش فوضى وخلاص حتي الاولاد علموهم الكذب قالو لهم اول مره يمشوا الى ليبيا وفيهم الي كان في ليبيا من شهرين ( يقصد رحلة الباروني النادي الذي كان قبل ايام عضو فيه ) . واظاف نحن نبو نعلموا الصح ونشتغلوا 100-100 وتو انديرو شوايات للجاليه. وقال أنه الليبين يحب الشوييات ، وتوا انساعد الليبين علي تربيه اولادهم ، ونزوجهم لبعضهم ، والي يجي انشالله اسبوع واحد هو من الجاليه ، ونحن موش جاين انكولس علي حد وكل شي مكتوب غير وافقو ، نبدو بشوي ، وتوا لما يشوف كيف نساعد فى الناس ، يتمنو يكون معانا .

وتكلم 40 دقيقه يعاود ويعيب علي كسل الجاليه ، وكيف هذه الفرصه فايتتهم بريطانيا القانون والراحه وحتى الي يجي اسبوع خاطر ، ماعاش يبي يروح ، ونحن نساعدو الي يبي يقعد ، شفو الجاليات الاخرى كيف ناجحه وتاثر في القرار في بعض البلديات وكيف عندهم الدكاتره ورجال اعمال وكيف ناجحين ، ونحن غير موجودين وماحد يعرفنا ، وعطا المقرفون للي بعده بعد ما زعم قلوبنا ، وخبير الكمبيوتر قال نحن موش مكولسين علي حد والليبين غير واعيين ، ولي يسير في الانترنت عيب وحرام ، وهذا طعن والطعن حرام ، تكلم حوالي 10 دقايق علي ساير في الانترنت ، ومد المايك للمستشار ، ولكن المستشار اشار براسه رافضا الكلمه.

(من بدايه الجلسه حتى نهايتها لم ينطق بكلمه حتى ظننا انه ابكم). طلب احد الحضور الكلمه عرف بنفسه (محمد الشلوف) وقال ان مسؤول مؤسسه شبابيه في مدنية ويقن ، ونحن ثلاث وجايين هنا نحسابو علي الريشى جاي ، بالك نحصلو منه افلوس ، عندنا وحدين يبو يزورا ليبيا ومعندهمش حق التذكره !، وقال انا كلمني الزوبيه وقتله المشروع صح 100-100 ، ولكن مازال بدرى ، و نحن ليش ما نلموا بعضنا ، وكلكم تتفقوا وتقمعزو مع الريشي ، وتخذو الدعم بدال ميمشو للقهاوي ويدفع 2و4 علي القهوه والانترنت نحن نخلوه لهم 50 قرش وحتي 20، وانا رقبتي مع رقبيكم كان تبو توقيع نوقعوا.

اخذ المكرفون الزوبيه وعلق علي موضوع الفلوس وقال ان الدكتور الريش كان مفروض يجي بس مقدرش يأتي اليوم ، ولكن موضوع الدعم تكلمت مع القنصل ( السفارة ) وقتله بعد الإجتماع ، نقولك لاني نبي نلزمهم بدفع لمدت ثلاث سنوات موش يدفعو شهرين ولا ثلاث وبعدين يوقف وتزرط لجنة الجاليه في الدفع الاجار .

ثم طلب الكلام احد الحاضرين فطلب منه جمال زوبيه التعريف بنفسه قال المتحدث انا احمد السليني المتأذي من الحكومة الليبيه وخارج من ليبيا 20 عام ( مقيم فى مانشستر ) وانا هنا نقول لك ولزملائك كلمه واضحه لم تأتوا بجديد لاصلاح الجاليه ، والجميع مقر بأن هناك اخطاء في الجاليه وكذالك تقصير وهذا يحتاج لاصلاح وليس الطعن في القائمين على الجاليه ، او الاستهزا بالليبين في المهجر ، اما العضويه فلقد عدل الدستور ولجميع حق العضويه فى جمعية الجالية ، فالجديد هو الدعم من قبل الدوله ، اذا كان تريد الاصلاح وهمك الجاليه كما قلتا فبعد 3 اشهر هناك انتخبات في الجاليه تعال وانتخب نفسك واعرض برنامجك فأذا اختاروك فالله ييسر امر الجميع .

فحاول الاخ الزوبيه المقاطعه متحجج بأنه يريد الرد علي كل كلمه قاله المعلق ، فتدخل احد الحاضرين مقاطع زوبية وقال سمعنالك 45 دقيقه بدون مقاطعه ، فكذاك انت خوذ ورقه واكتب ملاحظاتك ولا تقاطع المتحدث ، والمهم انا عبد الباسط هارون الشهيبي معروف بقيس الان انت طعنت في صحه الجاليه الليبيه وفي مصداقيتها وفى عملها ، واتهمتهم بالاختلاف ، والتفرق وعدم الوعي وتبدلهم الادوار والمذهبيه والعنصريه ، وعدم الوجود الحقيقي لهذه الجاليه ، والشخص الي بجنبك قال انه اسف علي جاليه هذا حالها ، ولكن الواقع انتم لاتنتمون لهذه الجاليه ، ولا احد يعرفكم ، ولا عمرنا شفناكم ، ولا عندكم مواقف لنصرتها ، هذه الجاليه لاتعرف العنصريه فهم اخوه متحابون ، فهذه الفتنه التي تريدو تعملوها لشق الصف متنفعش معانا وقيدكم مبلول (ولا اعرف المقصود من هذه الكلمه) .

واشاد بمجهودات الجاليه ونشاطاتها الأجتماعيه والرياضيه وان الليبين لهم بصمتهم فى كل مكان .

ابتداء من المسجد الذى انت فيه الأن فامام هذا المسجد ليبى وتعود اليه جل الجاليات المسلمه لحل مشاكلهم .

ثم وجه الشهيبي الخطاب الى الأخ جمال زوبيه قائلا :من انتم ؟ ، جل افراد الجاليه لا يعرف منكم احد ( يقصد الثلاثة اللي على الطاولة ) ، فان كان لديك اى مشروع فهناك توجد جاليه ، ولديها انتحابات بعد 3اشهر ، للجاليه لجنه منتخبه من قبل الجاليه ولهم توجهاتهم مختلفه وهم من شرق ليبيا وغربها وجنوبها وليس كما يزعم البعض أنها لجهة أو توجه معين ، وهم :

الاخوه:
- ناصر الشكرى
- صلاح ابو شيمه
-الدكتور عبد الرزاق
-عبدلله الشبلى
-عبدالقادر ادغيم

ولكل منا توجهاته وافكاره المختلفه ، وكلنا اخوه ومتحابين.نصلي خلف بعض بسرويل طويله وقصيره وبلحيه وبدونها.

واما بخصوص الدعم المالى فاننا لا نقبل اى دعم من الحكومه الليبي لانه في القانون الليبي يمنع دعم المؤسسات والجمعيات الاهليه ، اذا باي حق نقبل هذا الدعم ؟ وتحت اي قانون ؟ ، هي سرقه لاموال الشعب الليبي ، فمن قبل بها هو مرتش مشارك في الجريمه ، جريمه الاعتدا علي اموال الشعب المنهوب ، واقول للدكتور الريشي اذا ارد ان يدعم فليدعم الموسسات الاهليه في ليبيا اولا ، ويطلب بقانون لاقامه المؤسسات والجمعيات الاهلي في ليبيا ، ثم بعد ذاللك سنتقدم بطلب للسفاره كمؤسسه اوجمعيه اهليه ليبية ، ام ان تريدو منا ان نشترك في هذه الجريمه فلا ، اقوله لك هنا وسوف اقوله عندم اعود لطرابلس .

وعندما كان الاخ قيس يتكلم حاول الاخ الجالس في جانب الزوبيه ان يتكلم ويقاطع المتحدث ولكن الاخ جمال الزوبيه اشار بيده بطريقه غير مؤدبه وفيها نوع من السخرية ، فرد عليه الاخ قيس مدام هكي اخلاقاك عدي نيـ ...... انت ومشروعك ، وخرج وخرج معه بعض الاخوه .

ثم طلب الكلمه احد الحاضربن وعرفه بنفسه (فرج المغربى) وقال من خلال متابعتى الانترنت وكلام الحاضرين انت شخص غير مرغوب فيك ، وغير معروفين لدى الجاليه ، واذا كان عندك فكره جديده تفيد الجاليه ليس من الضرورى ان تكون انت القائم عليها وكفانا انشقاق ومعاناه بين الليبيين .

وتكلم محمد الميلادى واعترض على طريقه واسلوب والحوار من قبل اللجنه .

وتكلم محمد المبروك وفى نفس السياق اعترض على اللجنه واسلوبها والاعداد .

ولم يبدىء اى احد من الحاضرين اى ترحيب او الانضمام الى اللجنه .

انتهت الجلسه على ان هذا المشروع !!!!!!!! وتركت ورقه التسجيل بيضاء .

أسف للاخطاء وللسرعة الكتابة ، ما دفعني للكتابة هو مقالة جمال زوبية الأخيرة على موقع اغنيوة والتى اشار فيها للجلسة بشكل فيه توهيم وغمغمة ، هذا ماحدث من أول الجلسة الى اخرها .

شاهد عيان من مانشستر


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home