Libya: News and Views      LibyaNet.Com      Libyan music      Libya: Our Home

send

الأثنين 17 أغسطس 2009

previous letter                 next letter                 list of all letters

امثال شعبية ليبية بمناسبة الذكرى 40

- تحب تفهم ادوخ (في ليبيا)

- عينك تحق ويدك ما طق (الثروة)

- ياهارب مالغولة ياطايح في سلال لقلوب .. (اللجان الشعبية المتعاقبة)

- مع كل وارد عطشان .. (القطط السمان، مرة ثوري، ومرة إصلاحي)

- لا عين لا جمة .. (اذاعة الجماهيرية – القنفود)

- اللي بلا كرعين ما تصبيش .. (دولة بلا دستور!!)

- الحرة اول ماتزرب ابيتها .. (المساعدات والاستثمارات والاعطيات الليبية للخارج)

- فيك ياوادي .. (طلبات الليبيين في المؤتمرات الشعبية)

- تعاركن لرياح وجا الكيد عالصاري .. (صراع الحرس القديم مع الإصلاحيين)

- حوت ياكل حوت وقليل الجهد يموت .. (القطط السمان ورقاد لرياح)

- اللي ما يبكي خانقته العبرة .. (الشعب اليبي).

- اللي يحل فمه يخشله الذبان .. (الهجرة غير الشرعية للاجانب في ليبيا)

- كلام الحق وجاع .. (انتقاد النظام)

- اللي خاف سلم!! .. (الإنبطاح لأمريكا)

- المال السايب يعلم السرقة .. (الشركات العامة)

- كل جغمه تبل الريق ! .. (مرتبات قانون 15)

- ما قالت طق الا وهي حق .. (غضب وتذمر المواطن)

- مش ناقص عالمشنوق إلا اوكال الحلوى .. (المسطحات الخضراء ببنغازي)

- رومي ولا نكسر قرنك .. (المخالفين في الرأي)

- مايحس النار الا الي عافس فيها .. ( فقراء الشعب الليبي)

- اضرب القطوس تخاف العروس .. (شنق المعارضين)

- الي يدير روحه قنطره .. يتحمل الدوس .. (سيف الاسلام)

- ولد الفار .. حفار !! بدون تعليق ...

- ولي ما تجي مع العروس ماتجي مع امها .. !! بدون تعليق ..

- الجنازة كبيرة والميت فار.. وبالعربية الفصحى؛ نسمع طحناً ولانرى طحينا .. (الدعاية لليبيا الغد)!!!

ـ الطيور على اشكالها تقع ( زواج الصعلوك اخريص الزلاوى من ريما مطلقة المصرى )

أحمد


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home