Libya: News and Views      LibyaNet.Com      Libyan music      Libya: Our Home

send

الأحد 16 مايو 2010

previous letter                 next letter                 list of all letters

جدّي الساطور وحكايته مع الغولة

لا لا ياجدي مش هكي المعارضة المعارضة مش رسم وتخربيش وبس احنا اتعلمنا فى المدرسة ان الرسول الكريم صلى الله وعليه وسلم ان الشخص لازم اكون عنده اخلاق واحترام وانت يا جدي الساطور شادهالي صبح وعشية نادي الباروني دار نادي الباروني اخدي نادي الباروني اتعشى مش هكي ياجدي الساطور المعارضة هذا اسماه لعب مش معارضة ياجدى الساطور اتعلم اشوية من جدك عمر المختار كيف كان ايحارب وكيف كان ايخطط وشن كان ايقول لصحابه لا ياجدي من فضلك ماعدش اتخش فيها كراتي راك عندك مشكلة في تفكيرك وبعدين شن حكاية انك جبان وخوّاف حق اللى اسمعناه انك معارض من بعيد انا اسمعت لما انت كنت اصغير كنت اتخاف من الغولة هذا مزبزط ياجدي من فضلك ياجدي ما عدش اتخاف من الغولة لان الغولة مش موجودة وبعدين انت اكبير وانا اسمعت حنّاي قالت الغولة ما تطلعش للكبار وانت يا جدي عمرك اقريب من السبعين سنة بس اكيد عقلك مازال اصغير لان قاعد اتخاف جدّي امتى حاتطلع للناس واتقوللهم انك ماتخافش وانك انت راجل من فضلك يا جدي اطلعلهم وما تحشمنيش امعاهم لان الصغار ايقولولي جدك خوّاف وانا قلتلهم جدّي معارض قالولي حتى امهاتنا وجداتنا كلهم معارضات وطلعوا حتى في بنغازي وقدام كل مخابرات القادفي تعرف شن درت ياجدي حطيت راسي تحت وروحت بس مش حانمشي للمدرسة لين تطلع في اول مسيرة والاّ مظاهرة باش اترجعللي كرامتي وترجعللي هيبتي من فضلك ياجدي اطلعلهم والله مافيه غولة اراهوا يكدبوا اعلي.

قعمولة بنت بنغازي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home