Libya: News and Views      LibyaNet.Com      Libyan music      Libya: Our Home

send

الأحد 15 مارس 2009

previous letter                 next letter                 list of all letters

غيداء التواتي.. صحفية ومدونة أم مريضة نفسية؟

هذه عينة ممن يطلقن على أنفسهن اسم صحفيات. لقد صُدمت بل وشعرت بالقرف مما قامت الكاتبة غيداء خليفة التواتي بنشره في مدونتها رداً على ما اسمته محاولة اختراق لمدونتها ، حيث استخدمت لغة أفضل ما يمكن أن يقال عنها أنها شوارعية ، حيث من الواضح من قراءة تلك السطور أن كاتبتها قد فقدت السيطرة على نفسها ، فنست أنها تكتب كلاماً يحسب عليها كفتاة ليبية أولا ، وكصحفية- لو انطبقت عليها الصفة- ثانيا. إن المتتبع لما تكتبه هذه الكاتبة يعرف حتما أسلوب الفرقعة والتشهير والتضخيم الذي تقوم به منذ قضية ماركس أند سبنسر وحتى قضية الشاب الليبي في مصر ، وسيعرف حتما أن ما تقوم به لا يتعدى كونه نفحات شريرة من إنسانة يبدو واضحا أنها مريضة نفسية . وفيما يلي مقتطفات مما قامت بنشره مؤخرا في مدونتها -وهو بلون مختلف- حول موضوع تافه اختلقته وقامت بتضخيمه (بعضه ردودها على بعض الذين علقوا عليها) ...:

غيداء التواتي دماغها يوزن بلاد وذكية بما يكفي لأكتشاف اي شي وقبل كان سكتت كنت نقول عيل عيل عيل خليه توة يكبر ويدير عقل ومدايرة خاطر لأثنين من نفس منطقته منبييهمش يزعلوا مني بس المرة هادي غير عاد تعدي عليا في حوشي مدونتي الشخصية يعني تدوير نشاف

أهلا وسهلا بيه النشاف واللي فاضي يعمل قاضي وأنا توة فاضيتلك ومتربعتلك هانا

قصتي مع هذا الشخص ( اللي مداير روحه بطل الحلقة ديما)

مش من المدونات قصتي بدت معاه من كنت إدارية في موقع نخبوي و وخش عضو غادي وفي يوم من الأيام كذب علينا وقال أنا خاش من شيكاغو ومسكين مكانش يعرف إنه الأيبي كان ظاهر لطاقم الإدارة وبعد كثير الدوشة في الملتقى ومحاولة فرض رأيه على الجميع وهادي عادته خذي حمرا طول ومن هداك الوقت الشخص هذا يحقد على 2 وحدة الله يمسيها بالخير( حاليا تأسس في مجلة خارج ليبيا) وين ماكانت(زيد موت بالحسد والغل) هئ

وهمسة قلم أو غيداء التواتي ومن غيداء أسست اتحادومدونة بدي الحقد والحسد يزيد في قلبه ودارلي فيها فحيج وشدها تفتريش ونقول يلا يلا عيل عيل عيل

الكارثة إنه وين مايمشي يبقبق والدوة توصل وغيود ساكتة ليش ماشية بالمثل القائل(حاشا زوراي المحترمين والمعلقين الأوادم

لو إن كل كلب القمته حجرا ********** لصار مثقال الحجر ذهبا

وهو يبعت مع صحابه في الوصلات غر شوفي غر شوفي شنو يقوولو عليك وانا مدايرة كانسل كانسل كانسل منشوفش في شي حذف كناسة طول ناشب ناشب لقاني ساكتة الحلو هذا استانس خش لمدونتي بكل وقاحة

وأصلا ماكنش يهمني كلامه لأنه مش مهم بالنسبة ليا بس وصلت للتعدي عليا في مدونتي وخشوش البرايفت (مازال متعرفني أسال 2 توة بيخشوا يعلقوا غيداء من حد يعفس عليها شنو تدير والله بدل العفسة قرصة يهودي تاكلها) ومازال فيه فضايح متكلمتش عليها مخليتها لين يجي وقتها(زي مراسلة ناس وتحريضهم على حذف مدونتي من مفضلتهم واحد منهم بعتلي نسخة كاملة من الدوة بحذافيرها) ولو إنه شواطئ مش محتاجة لدعاية وقالوا بتقص رجليا من السبوت تقول للسبوت ورثة وراثه ولا مش عارفة شنو قصتك أنا مازال مازال كله عندي قاعد

المهم نخليكم مع المحادثة بس قبلها نحب نقوله إنه غيداء لو تبي تزيد تحطلك هلبة أدلة مخزنة في جهازها بس صدقني صدقني حيجي وقتها ومش تقول ساكتة معنها مسكينة لا حول لها ولا قوة لاياباتي راني نقدر مليون زيك غر بس توة قررت إني نفضالك رسمي بعد مخنبت ياخانب ياسارق ياللي متتحشمش( وحصلت في الفخ اللي نصبتهولك)

مش انا منعرفش ندون ومدونتي فاضية وأنا وأنا علاش خاش امس تزور فيها أنا لولا الأصدقاء معرفتكش حتى شنو تخربش غادي صدقني صدقني حنتعبك واجد واجد

لكن امس جريت بيك جرية صقععععععععععععععععععع

مش عادية

على فكرة التقرير حينزل على الجزيرة الليلة وحنحطه رابط متعه في الترويسة فوووووووووووووق

بس أنت عاد عبيت بتحط التدوينة وغيداء بتصكت باش تقعد تفتح في خرارتك كالعادة وتقول أنا كتبت قبل الجزيرة ودير روحك بطل الحلقة في كل مرة وتبدا تفترش عليا تفتريشك الأول والتالي

والله تاعب بجديات

* * *

ثم تستمر في هذا الأسلوب الشوارعي فتقول في بعض ردودها على المعلقين:

والله يا أسامة قبل ممديرتله أي اعتبار بس تخايل إنت كل يوم واحد جارك يناشب وتصكت ويوم يجي يخش يردس باب حوشك ويبدا فيك من الظهر طعن شنو تديرله بالتأكيد بتردسه ردسة تجيبه في سقف حوشه باش يحرم ماعادش يعاود

1. لتوة لتوة قاعدين الكمشة مردف وبصطاردية هادو ينبحوا ويقولوا مدون لقي اسمه وهو مش طالب عضوية

يعني يبقبوا ويعاود جاني المدون العضو وقالي راهو وصلتني دوة إنه الجماعة قاعدين يفتفتوا قتله كلمة وحدة بس خليهم ينبحوا

1. برا سلم ولدي غير البامبرز متعط صنتك افيييييييييييييييييي

ههههههههههههههههههههههههههههههههه

* * *

والكثير الكثير من هذا الكلام السفيه الذي بقدر مايدعو لللإشمئزاز والقرف ، بقدر ما يدعو للشعور بالرأفة والأسف على كاتبته. أنا لا أعرف هذه الكاتبة ، ولكن أعرفها من خلال ما تنشره في موقع جيل ، وجل ما تنشره مواضيع مضخمة وبعيدة عن الحقيقة . فهل هذا الأسلوب يجعلنا نثق فيها كصحفية مهمتها نقل الحقيقة بكل نزاهة ؟، وهل يمكننا بعد هذا الهراء أن نتعامل معها كشخص سوي يعي ما يلفظه وما يكتبه؟ ، وهل هذه هي نوعية الصحفيات التي ننتظرها في بلادنا التي تكاد تخلو منهن؟ . كل هذه الأسئلة وغيرها أتركها للقاريء بعد أن يطلع على الموضوع بالكامل وعلى التعليقات بالضغط على الرابط التالي :
http://hmoos.maktoobblog.com

كتبها : محمد عبدالسلام محمد


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home