Libya: News and Views      LibyaNet.Com      Libyan music      Libya: Our Home

send

الأربعاء 15 يوليو 2009

previous letter                 next letter                 list of all letters

المعارضة على الطريقة الايرانية.. سيفاوي نموذجاُ

شنو يعني المعارضة ... هل هي مجرد تصيد اخطاء وعثرات الاخر بس ... والا المعارضة من اجل هدف وطني نتيجته حياة افضل للشعب ... وبمناسبة الحديث عن النتائج ... نبوا نوخروا الشريط للوراء ... وخلي نستعرض انجازات المعارضة ... يعني حاجة زي انجازات ثورة الفاتح ... خلي نفكروا كويس ... اني مش متفكر هلبة ... لكن نتفكر في الحصار ... و في الضربة الامريكية ... وفيه حاجات اخرى مزال يعاني منها الليبين لليوم ... خلي نديروا انجازات الطرفين في مقارنة ونفكروا من الاصلح ...
لما نجي نقول معارضة في العالم ... يعني عندها شرعية ... وهني اعتقد ان المعارضة لما تطلع من النظام نقدروا نسموها مبدءياً معارضة ... بغض النظر انها تكون مستأنسة او مروضة او محدودة ... لكن على الاقل عندها نوع من الشرعية ... يعني على الاقل تسمد شرعيتها من مشروعية النظام ... وتتفق مع النظام في المرجعية ... والاتفاق على مبدا ما يفتح افق اوسع من الاختلاف في المرجعية ... و الاهم من هذا كله انه تعمل على ارض الواقع ... وفق المعطيات و الامكانيات المتاحة ... في اعتقادي انها افضل من التنظير من برا ... او على الاقل اكثر جدوى ... و العبرة بالنتائج و ليس بالصراخ ...
و بالنسبة لنموذج ايران عندنا مجموعة نقاط ... اولا النظام ... شنو يعني النظام ؟... كلام هلامي مش محدد ... وخاصة ان القوى و الاشخاص الي تنتمي لهذا التعريف هي مجموعة من الحذاق و المتلونين ... ومن باب المصداقية حتى الوطنين حاضرين لتقويم ما يمكن تقوميه ولو بأضعف الايمان... لكن هادو لا يمكن تحديدهم بواسطة ادلة جنائية .... لكن يمكن تحديدهم بسهولة الموضوع مش صعب هلبة كلنا نعرفهم كويس و الي ما نعرفهم نقدروا نجيبوهم ... المهم ... نجو للنقطة الثانية ... المرجعية ... طبعا في ليبيا مرجعية النظام للثورة و القائد ... كلام زين ... خلي ناخدو النقطة الاخيرة ... المعارضة بزعامة ... سيفاوي ... المعارضة هل تقف في وجه النظام ... ام تتعاون مع النظام ... في بعض الاحيان المعارضة و النظام متداخلين بدرجة يصعب فيها التفريق بين كلاهما ...
المهم ... فيه صدام ... وفيه اختلاف مجاهر به في وجهات النظر ... نقدر تعتبرها خطوة للامام ... لكن لو حطينا افكار سيفاوي واعتبرناها تيار ... ماذا ينقص هذا التيار ... في ماذا نجح و في ماذا فشل ... المظاهرات الي صارات في ايران تعطينا دورس مهمة ... تجعلنا نفكر ... في القاعدة الشعبية لسيفاوي ... هل هي بحجم المتظاهرين في ايران ... ايضا القيادات الملتصقة و المسايرة لسيفاوي ... هل هي في نفس تاثير و حكمة الايرانين ...
عندما يطرح هكذا موضوع ... اعتقد انه يجعلني افكر في تعريف المعارضة ... وهل هي شرعية ... وما ي اهدافها ... نحن من هنا نرى انقسام واضح في المعارضة الخارجية ... كل يبكي على ليلاه ... لكن ربما ارى ملامح اتفاق واضح ... وهو مصلحة الوطن ... لكن مع تداخل الاجندات ... و اختلاف الرؤية لمصلحة الوطن ... نجد ان الجميع ينظر الى مصلحة الوطن ... مثل من يتمنى ان يعم الخير انحاء الكرة الارضية و لكنه يظل يحلم ويتمنى وينظر ... في الحقيقة لم ارى من يعمل ... وللامانة ... وجدت شخصا واحد... اعتبره في بعض الاحيان شخص واحد ... قد اعتبره بدون مبدا ... لكن تغيير مبادئه يكون مقبول و مقنع و واقعي ... انه (رمضان ابوزعكوك) ... في الحقيقية هو لا يعمل ... لكنه يحاول ان يعمل ... و اعتقد انه يسلك الاتجاه الصحيح ... حتى لو تكن هنالك ثاثيرات على ارض الواقع ... فلا ارى فائدة من حضور ندوات و الاعداد لمشاريع لا تحدث ادنى ثاتيرا خاصة في المرحلة الحالية ... لكن سوف انظر بأيجابية من ناحية مستقبيلة ... و اعتقد ان موقع منتدى ليبيا للتمنية .... مشروع تنموي ... يظل في مرواحاً مكانه ... ربما تاتي تخبة و ليس حثالة لتقرا تلك الورقيات و توظفها ...
اخيرا نبي نقول ... مش شرط تطلع تسب وتلعن من داخل و من برا بدون اي نتائج ... لانك حينها لن تحقق شيئا ... المهم شنو تثايرك ... وشنو تحركاتك ... شنو رؤيتك ... كيف انت ماشي ... منو معاك ...و منو ضدك وكيف تخليه معاك ... شنو حققت ... ماذا تطمح ان تحقق ... و اعتقد ان الكلام ينطبق على ما يسمى بسيفاوي ... وعلى ما يسمى بالمعارضة ...

الباش مهندس
libyanvip@yahoo.com
http://www.libyanvip.blogspot.com



previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home