Libya: News and Views      LibyaNet.Com      Libyan music      Libya: Our Home

send

السبت 13 نوفمبر 2010

previous letter                 next letter                 list of all letters

مجروده

مرحب يالاوى الخصار

 

الأخ الدكتور/ابراهيم

                    تحياتى لك ودعوات بالتوفيق/وبعد

 

أهديك هذه المجروده مع أمنياتى أن تنول أعجابك أن كنت ممن يتذوقون ألشعر الشعبى ...

 

لقد كتبت هذه المجروده بعد لقائى والخويلدى الحميدى بوزارة الداخليه حيث أمر بنقلى مخفورا الى بنغازى؟

بطلة المجروده فتاة أسمها فتحيه من بنغازى ؟

منذ تاريخ هذه المجروده 1971 ونا عايش فى هالدنيا جوال نمسى فى بلاد ونصبح فى بلاد؟ كالشمس تجرى لامستقرا لها؟

 

لنتابع المجروده.

 

السنوسى حسن المريمى

 

                                مجروده

 

مرحب يالاوى الخصار                       يابو دور أطوار أطوار

مرحب ياعين أللى طار                       مرحب ياريم الجفال

         ***                                                      ***

مرحبتين بريم السوحه                        نحكيلك ونريد نصوحه

خللى دانك مفتوحه                           أنريد نجرد قصه فى الحال

          ***                                                        ***

أنريد نجرد قصه مسميه                      نحكيها وبحسن النيه

عن ريدى غرغازصبيه                       ناغاوى ونريد سؤال

         ***                                                    ***

ناغاوى ونريد جواب                          وتوه نحكلك لسباب

أللى بهن مجلى لنياب                         فايق عن جيله مازال

         ***                                                       ***

فايق عن جيله وصحابه                        مكحولات أطوال هدابه

مول الدور أسود كى سابه                    ع العرجون أيميح أطوال

      ***                                                        ***

ع العرجون أيميح أطوالى                     والمضحك نيبان مجالى

والجبنون قمر فى العالى                      والحاجب شابه لهلال

        ***                                                          ***

والجبنون قمر ياقمره                           والشفه ورديه حمره

جرحه جار وحلنا فمره                         بومشيه بالكعب العال

      ***                                                        ***

بومشيه بالكعب العالى                          يضامريمشى جلوالى

أقرب جاى وخود سؤالى                      لا تبقى منى جفال

       ***                                                      ***

لاتبقى منى جافل                               ياخزرة عين الحافل

نا نحكى للناس الكل                           غية مول الدور طوال

      ***                                                     ***

غية بوجمه مسفيه                              لاعتنى فى يوم عشيه

لاهى عيب ولاهى سيه                        أن ضلت مجرودة لجيال 

      ***                                                         ***

أن تمت مجروده موصوفه                    غية هاللى خالى جوفه

وخرى زاد قصه معروفه                      نرويها وبكل أمثال  

     

***                                                    

نرويها وقتا ماجينا                               ناوالصول جبرين القينا

لاتوبوس يراجى فينا                            أركبنا فى اللحضه ع الحال

       ***                                               ***

أركبنا وسقد بينا                                 فى بوقرين درس وصبينا

عوصرنا وعبى بنزينا                           وبها واصلنا الترحال

      ***                                              ***

وبها واصلنا رحلتنا                              من توه تبدى صيلتنا

بالحلوه هالى لاعتنا                             هالى نا منها فى حال

     ***                                              ***

هالى منها قل منامى                            كانت فى الكرسى قدامى

تسنت تطويح كلامى                            وتوزن فيهن بالمكيال

      ***                                             ***

توزن فى ونا موزون                          لا نعرف نختل لا نخون

أمفيت أنى عايش قزون                        دمعى من عينى منهال

      ***                                             ***

دمعى من عينى دراف                         ديما من ضلى نا نخاف

لانعرف عيب ولا خلاف                     عايش فى الدنيا جوال

        ***                                       ***

عايش فى الدنيا سواح                         ياما جد وياما راح
وماملى فى الدنيا داح                 وكان غيره ماعاش ضلال

       ***                                          ***

وكان غيرى ياصول جبرين                  أمفيت أنت أللى راجل زين

فكيت ادى التنتين                              وخلتنى بهن منهال

      ***                                            ***

وخلتنى بهن نهتف                             نمسح فى دمعى النازف

هالى من عينى يدرف                        عن ماضى كان فيه دلال

       ***                                               ***

عن ماضى واجد دللنى                       بيامه الزينا خيبنى

موالى وعمرىسالبنى                        وكان غير دموعى شلال

       ***                                               ***

وكان غيره هالى قدامى                       مابهت واجعاته أيامى

حيانى ورديت سلامى                        وقتله بالله كى الحال

       ***                                             ***

قتله كيف حالك ياخالى                       جاوبنى بونياب مجالى

حالك راه شاغلى بالى                          هات أنكان عندك مازال

        ***                                             ***

قتله حالى متردى                               ياما قلت وياما عندى

خايف غير راك م العيب تردى               ويخطرلك خاطر فى الحال 

      ***                                                ***

ويخطرلك خاطر يازينا                       أيدورن ليام وتنسينا

بالله مره زورينا                               سجن لكويفيا مازال

       ***                                          ***

سجن لكويفيه من جوه                       راه يرجى فى توه

ماشيله وخرى بالقوه                         وخوديلك هادين لحوال

       ***                                              ***

خوديلك هادين أحوالى                      كنيبه يوفى مجالى

ولا تدبر لحوالى                            ونطلع غصبا ع العزال

        ***                                             ***

نطلع غصبا ع الحسديه                    ونفتكوا من هالقضيه

عضة شفتها أللوطيه                       وقالت يمخلص لحوال

       ***                                           ***

وقالت يامخلص نا قتلك                   ممكن تشرح لى مشكلتك

جاوبنى نا نكان سألتك                    عندى فيك لومه ودلال

      ***                                             ***

عندى فيك ثيقه فى الميه                   ونا رانى أسمى فتحيه

وعنوانى الطيران ألليبيه                  أنكان على تسال

        ***                                     ***

وقال يهونها مولاك                        ناودى فيدى معاك

ألواضح طيبك من مبداك                 قتله نلقانك موحال

        ***                                     ***

قتله ياما بينى وبينك                      نا مستغنى وانت بيتك

خايف لا ريتنى لاريتك                   تجفى تنسانى فى الحال

         ***                                   ***

تجفى تنسانى ياريد                       وتبقى ع النظار بعيد

أيجن دونك بيبان حديد                   أيحولن ونت أسمك ع البال

         ***                                   ***

أيحولن وأنت أسمك مقيوم               عندى ياضاوى الخرطوم

نذكر تاريخ اليوم                         نقول كنى من دون لجيال

        ***                                  ***

نقول كنى من دون أجيالى                متنيك فى السطر التالى

وينى وين أيام دلالى                      كان غيره بختى مامال

       ***                                   ****

كان غيره بختى مو راقد                نعاند فى ليام نساند

متكلبش قدامك قاعد                     يرعى فى صول اصوال

      ***                                ***

يرعى فى صول حكومه               لايغفل لايطيب نومه

راس ماله وهمه وهمومه               يسلمنى لمكتب لحوال

        ***                               ***

يسلمنى لحوال بنغازى                 ويبقى من حملى مايزازى

الحاصل يابو عيون فرازى            عيشه أنكان عليها تسال

       ***                                 ***

عيشه يابوجهن ناير                    كل ساعه جادات قهاير

وخرى زاد دايرين مواير              معروفين بهن ضيال

       ***                            ***

معروفين بهن صياع                   تحلف م الشارع ضياع

الحاصل يابو عيون وساع       أمفيت الموت ناقص مازال   

                                                

          ***                                                       ***

أمفيت الموت ناقص يازينا              بجاه ربى وبجاه نبينا

أيهونها لفراج أيجينا                   ويبعد تطيح المزال

         ***                                    ***

ويبعد تطيح لقيمتنا                     حكومه ماعادش لازمتنا

قلت منا ومن هيبتنا                    ألواحد منا مغير خيال

       ***                                       ***

ألواحد منا مو مقيوم                   حتى نكان جاهم مظلوم

أيحطوا الظالم ع المظلوم             م الطغوه يالوية الشال

        ***                                      ***

وعليش تقولوا صار وصار          سبب جولتنا باب جدار     




previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home