Libya: News and Views      LibyaNet.Com      Libyan music      Libya: Our Home

send

الأربعاء 11 مارس 2009

previous letter                 next letter                 list of all letters

هل معتوق فاسد

خلال مسيرة طويلة قضاها المهندس معتوق في المراكز الادارية المرموقة والمناصب الخلابة وطبعا على كراسي الوزارات الكراسي ذوات الطعم والنكهة المحرمة الا على امثال معتوق , على العموم خلال المسيرة السابقة والتي يعرفها أي عيل في ليبيا فبعد لعبه بكراع كلب كما يقال وليس بوكراع ولد عمه اللي شاد الكهرباء لا هذا كراع معتوق اللي لعب بيه وحصصل اكفوف علي وجهه لعب بكراع كلب آخر في القوى العاملة ودار اللي داره في الملاك , وعلى فكرة فيه عييل اسمه رضا عيسى طلع فيها ايام اللواج اللي جا بصفقة ومشا بوحدة تانية المهم ان رضا كتب مقالة علي معتوق يوصفه فيها بانه بطل الملاك الوظيفي اووين رضا توا او وين معتوق، عالعموم اهو توا معتوق في المرافق وما نبيش نحكي علي كراع الكلب لكن نبي نسأل بعد ما قال سيف الاسلام ان فيه فساد باهي بعد هذا كله هل معتوق فاسد واذا كان فاسد باهي كيف ايصير مازال قاعد باهي قاعد وفاسد غصبا عن خشم من خشم الليبيين ولا جماعة الاصلاح ، يعني ما نبيكمش اتدوخوا معايا لكن معتوق كان من اعداء القرواطة وبعدما جا سيف الاسلام بقرواطة لبس معتوق قرواطة يعني ماشي مع كل ريح سايبة معناها هذا بيقعد حتى لو فيه اصلاح وتغيير وسيف جاي .
المشكلة مش في ان معتوق فاسد ويركب مع كل تيار المشكلة ان فيه 100 معتوق ايديروا وحيديروا زييه معناها الواحد عليش ينفخ في راسه ايخليها لرب معتوق هو اللي امسيرها كلها وسوا معتوق فاسد او مش فاسد مالناش علاقة بيه ولا بال100 اللي زيه .
ياناس خلوكم في حالكم اخدموا خدمتكم وربوا عيالكم مالكم ومال معتوق فاسد والا مش فاسد .

أسامة المشهور


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home