Libya: News and Views      LibyaNet.Com      Libyan music      Libya: Our Home

send

الأربعاء 11 مارس 2009

previous letter                 next letter                 list of all letters

الطلبة في كندا بالليبي

اتقوا الله فينا فوق الغربة والبهدلة والتعب والسهر ما تلاقيش مين يقدرك وبعد ما يضيعوا عليك فرصتك في التقديم يجوا ويمسحوا فيك اخطاءهم او اخطاء يلي قبلنا ويقولولك انت فشلت وما حصلتش قبول برة روح ليبيا وغير الى ساحة تانية , هكي بكل سهولة , حرام عليكم توة ضيعنا اكتر من سنة وحني نستنوا ودرنا امتحانات المعادلة والحمد لله كلنا نحجنا وفي مينا مين حصل درجات ممتازة ومع ذلك كل الملفات يلي بعتناها الى الجامعات تلوحت في الكناسة وما تعبوش روحهم حتى يشوفوها كان تتصل باي جامعة وتسالها عن ملفك وتقولها انك ليبي تقولك اسفة برة كلم سفارتك وخليها تحل المشاكل المعلقة وبعدين انت ليش بعثت ملفك اصلا لقد اخبرنا سفارتكم انه مش راح يتم قبول اي طالب ليبي لكن لن يتم النظر في اي طلب من الاساس والله قهرة تلاقي كل جهدك وتعبك يمشي سدى بسبب مشاكل وقضايا معلقة بين المكتب والجامعات من قبل حتى انك تعرف انك جاي الى كندا والله شنك حالة وبعدين يحطوا عليك اللوم والله انا يلي نبي نحاسبكم انا يلي بنرفع عليكم قضية انتوا ضيعتوا على الفرصةالسنة يلي فاتت وكان صارت معجزة وتم توقيع العقود مع الجامعات الكندية وقدمت السنة هادي وتم قبولي مش راح نبدي لي شهر سبعة 2010 وهكي معناها انكم ضيعتوا على 2008- 2009 ونص 2010 والله الله لا يسامحكم لو بديت لكنت خلال الفترة قريب نكمل ضيعتوا على وقتي وجهدي وكلفتوا الخزينة مصاريف زيادة وين بتهربوا من ربي ومهما قلتوا او فعلتوا انتو المسؤولين حتى لو احد الطلبة اخطيء انتو المسؤولين لانكم انتو يلي مفروض تحاسبونا على اخطاءنا وتوجهونا وتكافؤنا على نجاحنا ومتل ما قال الرسول عليه الصلاة والسلام كلكم راعي وكلكم مسؤول عن راعيته , حرام عليكم مش خايفين من ربي ويقولولك باهي وكان صار وتم توقيع العقود انتو عابين كلكم الاربعين دكتور انكم تحصلو ا وكانهم يتمنوا انا نفشل وما نحصلوش تقول يصرفوا علينا مين جيبهم ايه وخيرا ما نحصلش كلنا بدل انكم ما تبذلو جهدكم وتساعدونا انتوا قاعدين تكسروا في طموحاتنا, وبعدين قولولي تقولولي روح حرصا على مستقبلك العلمي هو خليتوا فيها مستقبل بالله عليكم توة كان روحت وين بنمشي وي مكان بنمشي ليه بنبدي مين الصفر مرة تانية كان مشيت الى المانيا نبي نقعد نتعلم في المانيا سنة تانية وهكي هكي معناها لو بديت مين توة نقا اللغة مش حنكون واتي 2010 وكان مشيت الى امريكا هدا معناه اقل حاجة سنة تانية باش ندير امتحانات المعادلة الامريكية وهكي انا بنقعد في دوامة ومهما درت مش ناخد فرصتي الا بعد سنة او اكتر يعني انكم ضيعتوا على وقتي هني في كندا وفي اي بلاد نبي نحولها الله لا يسامحكم تعملوا فينا كانا شحاتين مش طلاب علم وبعدين مهما قلتوا او درتوا قعمزوا بينكم وبين انفسكم انتوا المسؤولين ليش ما حلتوش كل هادي المشاكل قبل ما توقع الفاس في الراس وينحط مستقبل اكتر من اربعين دكتور عل المحك هكي احنى ديمة ما نفيقوش من غفلتنا لين تصير المصيبة ونقعد نحط اللوم على بعض يا نا تعلموا وتحركوا. سبب تخلوفنا هوانا ما نهتمش بالوقت .اساس مشكلتنا هني انكم تكاسلتوا ولم تحلوا المشاكل المعلقة لين تفاقمت وكانت حصيلتها ضياع مستقبلنا وتشويه سمعتكم ومحاسبتكم وخاصة السفير اللي كانوا الكندين يراسلو فيه و هوا و لا على باله .اللغه الانجليزيه مهناش و يشوف في مراسلاتهم خطوط . و يلوح فيهم في الدرج و وين طالب يقولا كيف صار يرد عاد السفير و يقول انا اتصلت بديفد و دورا عاد ديفيد.و في النهايه اتضح ان السفير راقد و مايندري عليها كيف ماشيه . مش هكي و بس اتضح انه يبعث في برقيات لليبيا ضد الطلبه و كلها كذب في كذب . و بعدين عاد حتى صحيفة الوطن طلعت الحقائق بالادله و انفضح موضوع السفير قدام العالم و معاه الشله متاعه زي عيسى الرواب و حسين الزواوي و الدماغ الجديد الصادق. لو بذلتم جهدكم من البداية لكنا لاحني ضيعتوا علينا ولاحد جاه بحداكم وتكلم عليكم واني نقصد في كلامي هني الكل من اصغر موظف في المكتب الشعبي في كندا الى السفير وكمان المسؤولين في ليبيا ليهم دور من التعليم العالي الى البعتات. يا ناس كان انكم مش قد المسؤولية نوضوا من كراسيكم غير ليش تجيبوا في الدوة والكلام والدعي ليروحكم والله كان تبوا انكم تكونوا مسؤولين علينا هدا نصيبكم لازم تردوا بالكم منا وتراعوا الله فينا وتحلوا لنا مشاكلنا مش تحاسبونا على اهمالكم وتقصيركم, ان الله يحب ان عمل احدكم عملا ان يتقنه والله انا مش عارف كيف يجيكوم النوم وترقدوا قبل ما تنظروا في امرنا وترفعوا الظلم عنا. انا اناشد كل المسوؤلين امين التعليم, الكاتب العام, مدير البعتات وكل اعضاء المكتب الشعبي انهم يراعوا الله فينا وينصفونا ويحطوا ابنائهم وبناتهم مكانا هل كانوا يرضوا ان يصير فيهم يلي صار فينا .

طالب متبغدد


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home