Libya: News and Views      LibyaNet.Com      Libyan music      Libya: Our Home

send

الخميس 11 يونيو 2009

previous letter                 next letter                 list of all letters

نوادر القذافي

القذافى فى الطيارة قرر يرمي 100 جنيه يفرح بها عائلة ليبية!
قالت صافية: خليهم خمسينتين وفرح عايلتين.
قال سيف: خليهم 25 وفرح أربع عوايل.
قال كابتن الطيارة: يا راجل أرمى روحك وفرح 7 مليون ليبى.

* * *

الساعدى شارك في من سيربح المليون.....
وصل لآخر سؤال، السؤال: من هو الذى حقن الاطفال بالايدز في بنغازى؟
طلب مساعدة صديق واتصل بأخوه سيف وقاله السؤال.
رد عليه سيف: انسحب باللي كسبته وما تخسرش بوك!

* * *

مره القذافى مشى مدرسه ابتدائية فلما جت فتره الاسئله ولد رفع ايده.
القذافى ساله اسمك شنو؟ فقاله سعد! فقاله شنو سؤالك يا سعد؟
سعد: انا عندى اربع أسئلة
1. ليش انت قائد و رئيس قريب 40 سنة؟
2. ليش معينتش نائب؟
3. ليش أعيالك ماسكين كل حاجه فى البلد؟
4. ليش ليبيا حالتها الاقتصاديه متملحة و انت مش أمداير حاجة؟

ساعتها بالضبط رن جرس الفطور، وبعد الفطور رد القذافى وقال احنا وين كنا وصلين؟ من عنده سؤال؟
ولد أخر رفع يده فالقذافى سأله شنو اسمك؟ قاله تامر فقاله سؤالك شنو يا تامر؟
تامر: انا عندى 6 اسئله

1. ليش انت قائد و رئيس قريب 40 سنة؟
2. ليش معينتش نائب؟
3. ليش أعيالك ماسكين كل حاجه فى البلد؟
4. ليش ليبيا حالتها الاقتصاديه متملحة و انت مش أمداير حاجة؟
5. ليش جرس الفطور رن ربع ساعه بدري؟
6. وبعدين وين سعد ؟؟؟؟؟؟ !!!!!

* * *

القذافى: عارف يا ابليس ياخويا، انا نبى نفعل في اليبين حركه تطلعهم من روسهم.
أبليس: ساهلة! هات ودنك وخود الفكره هذى..... وش وش وش وش
القذافى: لالا يا ابليس الفكره هذى مش قوية، نبى حاجه أقوى
أبليس : به! خود هذى...... وش وش وش وش
القذافى: لالا، مازال مش قوية، وين يا ابليس شكلك كبرت ومعش تعرف توسوس، هات ودنك وانا ان قولك انا نويت اندير فيهم ....وش وش وش وش وش
ابليس: لا يا راجل حرام عليك، أتقى الله!!!

* * *

واحد مشى على الساحل لقى الفانوس السحرى حكه طلعله العفريت.
و قالــــــه: شبيك لبيك! شنو تطلب يا ستاد؟
قاله الراجل: أنا نبى نمشى لروما، نبيك تبنى كوبرى بين بنغازى و روما.
العفريت قاله: وين يا ستاد الحكاية صعبه واجد... نقى حاجه تانيه
الراجل قاله :خلاص خلى القذافى يتنحى على الحكم.
العفريت قاله: أنت تبى الكوبرى ماشى جاى ولا مشى بس

* * *

قولى بصراحة يا بوبكر ومفيش داعى للمجاملة أو النفاق.
بوبكر: حاضر ياقائد!
القذافى: أنا أحسن و لا عبدالناصر؟
بوبكر: انت طبعاً يا قائد.. جمال وين! كان يخاف من الروس!!
القذافى: به...! أنا أحسن ولا الأسد؟
بوبكر: الاسد وين يا قائد! كان يخاف من الأمريكان!!
القذافى: امنور يا بوبكر....! به...! أنا الأحسن ولا الملك أدريس؟
بوبكر: انت طبعا يا قائد.. الملك أدريس كان يخاف الله.... إما انت لأ !!

عبدالرحمن يوسف


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home