Libya: News and Views      LibyaNet.Com      Libyan music      Libya: Our Home

send

الجمعة 10 ديسمبر 2010

previous letter                 next letter                 list of all letters

فكوكم من الدوة الفارغة يا جمعية عيسى عبد القيوم

فى الوقت الذى كنا نتمنى أن يصلنا الرد من جمعية الجالية الليبية وسبب التحول الجدرى من أقصى اليمين المعارض إلى أحضان النظام وأقصى اليسار ,فإذا بالأستاد عيسى عبدالقيوم يخرج علينا بالفلسفة الزائدة الجمعية وقوانينها ,بالله فكك من الدوة الفارغة أعطينا الزبدة شن إللى خلاك ترتمى بأحضان النظام أنت وجمعيتك المتخادلة وفكك من السبل واتفوه على فلوس إللى خللو أصحاب النفوس الضعيفة ..... ( الغيت العبارة إحتراماً للقارئ ) , وأنت يا هدار أكيد الأستاد عيسى يعطيك فى الكلام المعسول ,بس نبيكم تفهموا حاجة وحدة أنتم وغيركم أنتم في خدمة الجالية وإكلامكم مغاير للكلام إللى أدقولو فيه أنكم أتمتلوا فى جمعيتكم و600 شخص ,وكلامكم الجديد وبالقوانين الجديدة يعنى أنتم أتمتلوا فى تلاتين شخص وبس ,فكونا من الكدب والدفنقى الزايد ,أنت أقعدت تتكلم فى البال توك على الجمعية لين إنبحت رقبتك ,بس ما أقدرتش أترد حتى على سطر واحد من تساؤل أهل ماتشستر ,عيب أعليكم يا أعضاء الجمعية وعيب على إستهزائكم والعيب الأكبر على من وثقوكم لأهل مانشستر والغريبة أن معارضين مانشستر إللى كانوا قايمين على الجمعية باركولكم هدا التغير وباركولكم كل خطواتكم ,,, أخزيه على هكى معارضة ومعارضين , وأنت يا شعب ليبيا كان عابى على هكى ناس يا قعادك فى الركب , قاللك معارضة , معارضة العصبة وإللى مازال إيصدقكم , كلكم أطلعتوا بزناسة وأطروح حتى الجماعة إللى أمدايرة روحها مدينة . القدافى صقع أعليكم وما يحتاجش إيتاعب روحه على أشكالكم ,أنتم أتهنوا فيما بينكم كلكم طابخينها مع بعضكم وزيط فيها يا عيسى مادام الجماعة الجمعية السابقين باركولك وأعطوا فيك شهادة إكويسة ومادام الريشى حتى هو باركلك وأعطاك الضؤ الأخضر وبدل مقر تاخدلك مقرين شن مازال تبي أكثر من هكى , حاول تجمع الريشى بالأعضاء السابقين باش التم الطبخة , تعرف يا أستاد عيسى وياجمعية مانشستر السابقون واللاحقون صح ليكم إلعبتوها صح ,وقالوا الشراقة ديمة متماسكين مع بعضهم وأنتم أتبتوا دلك . الجهوية والفئوية خط أحمر . ممكن الجماعة إيقولوا رئيسها غرباوى أنقولولهم حتى هذا صح لأنه هو إللى إيجاوب على المراسلات وهو إللى قاعد إيكلم فى الريشى وأنقولوا صح هو إللى حسن الأمين دار أمعاه مقابلة بخصوص الجمعية ,وأنقولوا صح هو إللى الأستاد عيسى حددله مهامة الإتصال ببلدية مانشستر ,وأنقولو للأستاد الهدار فيق على روحك أشوية وفى النهاية يا ريتكم إتجاوبونا وأتجاوبو على كل من أبعتلكم رسالة وإلا الحوار والجرى والسهر من أجل الجمعية وإجتماعاتكم هي فقط على مع من عنده فلوس وأصحاب النفود وعلى من عندكم معاه فائدة ,والرقاد الرياح ليهم ربى . أتحشموا على روحكم كان مازال للحشمة مقام عندكم.

الحقيقي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home