Libya: News and Views      LibyaNet.Com      Libyan music      Libya: Our Home

send

الأثنين 10 أغسطس 2009

previous letter                 next letter                 list of all letters

في العـيد الأربعـين

سيدي الشويش
في عيد ميلاد الثورة الأربعين
كل سنة وانت طيب
واحنا مش طيبين
كل سنة وانت حاكم
واحنا محكومين
واحنا مظلومين
واحنا متهانين
ويا ملك العبيد ويا حبيب الملايين
تذكرنا ولا احنا خلاص منسيين
تذكر المعتقلين
تذكر الجعانين
تذكر المشردين
تذكر اللي قتلوهم التشدين
تذكر بوسليم
الله يكون في عونك - ها تذكر من وللا من
أنقول لك كلمتين – أسمع يالدعى

الأوله
رانا متنيكين
وشنو انديرو فى المتخرجين
والجو قعد عندهم حشيش
والإقتصاد سارح
والسرقة بقت كفاح
وليبيا متاحة بس للسفاح
وعرض البلد بقي مستباح

والثانية
ورتنا الويل
الخطوة في عهدك بقت ميل
والضحك بقي نواح وعويل
وموسى كوسة
عارف الكوسة
ممكن أقول لك فيها مواويل
والجامعة بقت ديسكوات أو دار مسنين
والشباب معظمهم من غير سكير سكرانين
والعلم عز علي المتعلمين
والأساتذة قعدو دجالين
والقادة قعدو طبالين
وصقع علينا أوروبا يا حبيب الملايين

والثالثة
عارف الأماراتين
زمان في سنة اتنين وستين
كان عندنا تلفزيون وكان عندنا علم ومتعلمين
وثقافة ومثقفين
وأدبا وعلما وفنانين
وكانو الأماراتين
فى الخيم مازالو ساكنين
وللصدقة مستحقين
وتوه إحنا وين وهما وين
هما فوق واحنا في أسفل سافلين

والرابعة
أمن بلدنا بقي تنين
والمحاكم امتلت مظالم
والعدالة بقت كمالة
وكلمة الحق في الكناسة
وأصحابها في الزنازين

والخامسة
القطاع العام....عام
والفساد.....ساد
وفي جتة بلدنا ترعي
أنذكرك بيش وللا إيه
وكل ذكري لك بدمعة
آآآآآه آآآآآه
أنا كنت حالف مية يمين
أنكملهم لك أربعين
وكل سنة وانت ........
واحنا طيبين

أمين يوسف عبد الرحمن


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home