Libya: News and Views      LibyaNet.Com      Libyan music      Libya: Our Home

send

الثلاثاء 9 مارس 2010

previous letter                 next letter                 list of all letters

بوزيد الجبو مؤخرة فيل وتاريخ ثوري أسود

يا جماعة الخير والشر : الثورة والقائد والثوار الزوامل حالهم عجيب غريب متلخبط.....كيف الحربا كل يوم في لون ماتعرفهم ثوريين والا راسماليين والا بلا أحرف على روسهم الخايبة* ياجماعة في عام 80 كنت شاب طايش وجاهل وفقير اجتمع بينا القايد في ثانوية عبدالناصر وقال (الشباب لازم يحمو الثورة والثورة اترد الجميل للثوري اللي يدافع عنها) وبسبب الفقر والجهل والطيش خشيت في اللجان الثورية ومن خربة إلى خربة القيت روحي صايع في معسكر 7 ابريل وانعذب في التيوس الدبك من الزنادقة والكلاب الضالة كنت متخصص في الضرب بالكافو (كرينتو ضي غليض) وكنت أحسن من يضرب في الفلقة * مرة في شهر واحد في الشتي في 1982 اجتمع بينا الملازم محمد سعود المجدوب القذافي وقال: ابلغكم سلام خاص من العقيد القذافي والقائد ايقوللكم ان الثورة تحت أمركم في أي شي تبغوه (فلوس قحاب سكير نكير بلا اسود ) المهم لازم اتجهزو انفسكم لمجموعه جديدة من الكلاب الضالة والزنادقة بيش اتوروهم النجوم في عز الظهر.

القائد ما كذبش خبر وكل ليلة الدوريات الثورية كانت اتجيب لمعسكر7ابريل من 10 الى 15 زنديق وكلب ضال ومرات حتى ايجيبو في جراو ضالة * كثرو المساجين وتعبنا من الضرب وانهد حيلنا من التحقيق والضرب* اتصل الاهبل مفتاح بوكر بالملازم المكشخ محمد مسعود المجدوب المكلوب القدافي وقاله ان التريس اللي يضربو في الزنادقة شوية وحيلهم انهد من الضرب ومعاش يقدرو يضربو ولا يسكرو لااينيكو طلب المجدوب انه يخلينا نرتاحوا من الحرس والغفارة والواجبات ونتفرغو للضرب والتحقيق وجابولنا دفعة جديدة من اللجان الثورية بينهم فرخ طايش اسمه (بوزيد الجبو) فرخ حرام تينته كبيرة وسراويله مبترات وايقلد في القايد لما يتكلم ورايح كي الفحل اللي يشم في البول.

الفرخ بوزيد الجبو كان يبي يدخل في الجماعة امتاع التحقيق والضرب وكلم بوه توسط عن الفحل المنيوك حسن اشكال فنقلوه الى مجموعة التحقيق والتعذيب مع انه مرخي وتكته طايحة ومايعرفش يقتل ذبانة يا بال ايعذب * مرة اللجان الثورية اعتقلو الشيخ محمود العبيدي راجل متدين وذكر وكريم فمقدرناش نضربوه لنه راجل شايب فدهمنا موضوع تعديب الشيخ للعيل بوزيد الجبو *عطيته الكافو وقتله برا للقبر 8 ( يعني شيلة 8) وعطيه العشي (العشي يعني العذاب) العيل بوزيد ماطقش يضرب ضربتين والشيخ محمود العرفي ينفك من قيده وايجي هاجم عليه واينيك زنبور امه طريحة رباشة قبور * خدينا الليل نضحكو عليه ومن يومها معاد خش في تحقيق والا تعذيب خليناه ايشيل في الفلقة وما يدخل في شي.

بعدها ترقيت وطلعت مهمات خارجية وبقيت برا الجماهيرية سنين وسنين * بعد كبرنا وانهد حيلنا من رزق الحرام ودعا الناس وغضب الولدين والسكير والنكير والقحاب رجعت للجماهيرية ومعاد التقيت برفقة السوء الثوريين الا في المناسبات وعند الضرورة لما يحتاجلنا كلب الكلوب ملك ملوك القذاذفة القايد وإلا نجتمعو في سهرة حمرا في حوازة أحد الرفاق نسكرو*في الصيف اللي فات كنا في مزرعة واحد من جماعة 7 ابريل وكنا انهدرزو على طروح القايد والفضيحة تاع ولده الساعدي والفيديو اللي فيه ولد ايطالي ينيك في ابن ملك الملوك دخل للحوازة صديقهم بسيارته الكمري ولما قرب منا سكتو كلهم وغيرو الموضوع وانقلب حديثهم ثوري مية في المية.

شبحت للوجه اللي جاي القيته الفرخ بوزيد الجبو رايح متسلط وكابر وداير روحه راس ايحل ويربط *الغريبة انه امداير روحه مثقف ويكتب ويتكلم كيف الشايب الزامل بودبوس * غريبة والله الثورة بعد أربعين عام قعدت ملطشة وملم للفروخ.

نجيب الشاطر
ثوري قديم
naheb66@yahoo.com


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home