Libya: News and Views      LibyaNet.Com      Libyan music      Libya: Our Home

send

الجمعة 8 مايو 2009

previous letter                 next letter                 list of all letters

شهادة حق في مسجد دزبري

بسم الله الرحمن الرحيم
أولا أنا مش شيخ دين ولا أستاذ لغة عربية أنا ليبي عادي من مانشستر عندي شهادة حق بنقولها بعد ما ريت أخد ورد ورسائل ومقالات على مركز ديزبري اللي في مانشستر. ومن حق أي واحد يصدق الكلام اللي بنكتبه ومن حقه يكذبه.
المركز هذا ملخبط من يوم يومه أكثر مافيه مشاكل وتكسير الرأس لكن هذه القصة اللي بنحكيه حاضره بنفسي وأي واحد ساكن في مانشستر يعرفه ، قبل فترة امسك المركز واحد اسمه سعد الصادق أو سعد الكوافي المهم صاحبنا هذا صار مدير المركز وشرطوا عليه أصحاب المركز أن ميشغلش معاه أقاربه في المركز ، لكن والله ياجماعة الخير المركز صار بالكامل شراقة ، ومش هكي وبس جاب ولده وشغله معاه رسمي ، وزي ماقلتلكم صار المركز الخطيب ونائب الخطيب ونائب الإمام اللي يصلي بالناس والمدير ونائب المدير والمحاسب ومساعد المحاسب واللي يقري في القرءان والنائب متعه كلهم من بنغازي ، والله حتى أنا شخصيا قال لي أحد العرب (وما نبيش انقول جنسيته منين خايف يمشي فيها) قال لي بالحرف الواحد صار المركز (مملكة بنغازي!!!!!!) وبعدين ياريت تمت القصة مازالت أسوأ من هذا ، بقي واحد بس (غرباوي) وهو إمام المسجد اللي يصلي بالناس واسمه أبوعمر البوعيسي ، والله ياجماعة الخير سي سعد الصادق ما خلى ما دارله بهدله تبهديلة ما صارتش وشوهله صمعته في الجالية ومارس عليه جميع الضغوظ حتى يطلعه من المسجد ، ولكن البوعيسي عروقه في الميه وأصحابه السوريين أصحاب المسجد وقفوا معه وإلا كان ماشي فيها زايد ناقص.
وهذا سعد الصادق المدير صوفي معروف عليه التصوف وعنده زيارات لليمن لمقابلة على الجفري ومش هكي وبس ،والله أسلم واحد من الإنقليز فجاه هذا سعد وصار يدعو فيه للصوفيه حتى خلاه يمشي لليمن هو وأبوه وصاروا صوفيه والله غالب ، أما محمد السعيطي والله صوفي معروف وانا مستغرب في اللي كتب عليه وقال ما عنداش وقت للردود ، الراجل جهوي حتى فايت فيه والله هذا الكلام حتى غير الليبين يعوفوه ، هو نفسه السعيطي يحكي لغير الليبين ويقلهم فيه شراقة وفيه غرابة والقصة المعروفة .
وأنا اللي مستغرب فيه هو سكوت الشيخ سالم الشيخي على هذا الكلام كيف يرضى كل المركز يصبح من بنغازي وكيف يرضى بالصوفية يشتغلوا معه في المركز .

ليبي من مانشستر


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home