Libya: News and Views      LibyaNet.Com      Libyan music      Libya: Our Home

send

الجمعة 6 أغسطس 2010

previous letter                 next letter                 list of all letters

شقراء

ـ يا راجل الكلام عن المرأة لازم يكون موضوعي..والا...
ـ أسمع..أسمع..قبل كل شي كلمنا بالفلاقي...
ـ إيه..إيه..وعلى قيس عقولنا..أحني...
ـ يا جماعة..أني نقول..الزواج في الغربة..بنت البلاد أحسن...
ـ أحسن..لكن هي هني وصياحها في الوادي...
ـ شن قصدك يا بوحا... تعرف..يبي يقول ..قطوس في أشكارة...
ـ لا..لا..ماهو العويلة يدبرولك..بالتاكيد يعرفو جوك... صح..هذي برضه فكرة...
ـ لكن..يا جماعة مش كيف...
ـ يا ناس..الفكرة سمحة..لكن؟؟؟
ـ أني نقول..الواحد يمشي..ويشوف بروحه...
ـ هذا كلام مش لبعضه..وبعدين...
ـ بالله..يا عالم..أعطونا كليمة...
ـ تكلم..تكلم يا بوقيلة...
ـ أسمعوا.. أني نقول..الواحد ياخذها من هني أحسن...
ـ ترى..ثقفنا يا زعيم...
ـ هذا ما تأخذوش عليه..هو في دمه الشقروات...
ـ والله..حتى أني معاه في هاالراي السمح...
ـ يالله..هذا.الحصان وهذي السدرة...
ـ يا وليدي..غير أكبر بس...
ـ إيه..إيه..باش يديرولك عدة وفرس...
ـ ياولاد..غير خشولنا في الموضوع...
ـ أسمع..أنت كان عندك فكرة..قولها..وإلا..أسكت... أني..أنت تعرفني..نبيها شقرة...
ـ خليك أمالة مع شلتك..شلة البرستيج...
ـ خلوني..نرجع إلى كلامي الاول..راهي الليبية..هي المستقبل..
ـ مستقبل شنو!! يا فندي..وأنت أللي زعميتة فاهم...
ـ لا..لا..الحكاية مش بس رومنسيات و"فان"...
ـ يا فالح..أحني نحكو على مستقبل الصغار في الغربة...
ـ أنت تهذي..الصغار..قبل أمهم...
ـ والله يا جماعة..الراجل عنده حق..حكاية الصغويرة...
ـ أحني..يا جماعة..تقريبا خرجنا على الموضوع...
ـ أنت.. اللي من بدري..وأنت تفتري على الصغار...
ـ عنده حق..أنت غير جيب أمهم...
ـ أني اخر كلمة..نقولها..ليبية وبس...
ـ أني نقول..حتى عربية ما عندك ما تقول...
ـ إلا..تونسية..رد بالك..يا شيخ...
ـ يا ودي..كان عليه أني..لا عربية ولا تونسية..اني مع شقروات قوم عيسى حتى الموت..

عبدالرحمن ألسبتي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home