Libya: News and Views      LibyaNet.Com      Libyan music      Libya: Our Home

send

الأربعاء 5 أغسطس 2009

previous letter                 next letter                 list of all letters

فرسان وشجعان فقط وراء شاشات الكمبيوتر

اولا في صوت لو في صوت بالله اعطوني رقم واحد ..اوكي تمام الصوت واضح شكرا .
تانيا القضية الليبية اصبحت لقني وهدرزة وضياع الوقت بيها واحلمي يا ليبيا وافرحي فرسانك في الطريق جاينك خلاص بتتحرري اونا الجماعة ليه ليه تستعد من اجل تحريرك .
ثالثا كل واحد ياخد المايك ويتكلم ويظهر افظل ماعنده من فراسة وذكاء والاسلوب المصتنع ماشاء الله فرسان والله جماعة البالثوك ليبيا ممنونة ليكم والله يا فرسان ..
رابعا النظام في ليبيا يمارس الظلم والقمع والاستبداد وفرسان البالثوك ايكجمو وهدرزة على مفاصلها .والعمل ايجيبه ربي كلام فارغ وعراك وقدف المحصنات وليبيا المسكينة ليه الله الكريم وانتم يا فرسان البالثوك نتمنولكم اوقات ممتعة وطيبة فرهدو على روحكم عندكم الحق والله في النهاية حني وراء شاشة الكمبيوتر دق دق ولا ايهمك ..انشاء الله في صوت تسمعو فيا اوكي الصوت واضح شكرا
..باهي كيف صار فيها زيارة القدافي الي ايطاليا وكيف صار في شهداء بوسليم وكيف صار في وفي وفي وفي والخ .....بس كيف صار فينا كم عام وحني نهدرزو وبنديرو ومفروض واني راي واني وجهة نظري شن صار .ولا حاجة غير دق حنق عل المايك وعراك وفتنة زي لي يحرث في البحر
اما بع بع يا فرسان البالثوك عطيكم الصحة انتم والمايك على الفكرة المايك فري قول ما يعجبك اما باش تقولي لقاق وبصاص مشكلة بعدين راهو نتعاركو ويقعد المايك يضحك علينا زي ما ضحك علينا مايك القدافي اربعين عام دق يا قدافي المايك فري وهات ما عندك وعلم يا قايد علمنا كيف المايك يستعبدنا .
يعني توا ليبيا اصبحت مشكلتها في غرف البالثوك للهدرزة واللقني والقطاف الفارغ ولا حاجة استنفعتو منها ومن كلام الليل امتاعكم صدق من قال كلام الليل مدهون بالزبدة تشرق عليه الشمس ايدوب صدق والله وهدا فعلا ايش صاير لي فرسان البالثوك ....
كلام في كلام والبالثوك الي الامام والكفاح البالثوكي مستمر .
فيقو يا هو اصحو يا فرسان البالثوك .
ليبيا ليها رجالها وانتم خلوكم عل المايك والعرايك ..وان شاء الله الغليظة ناجية .
تحية اجلاء واكبار الي فرسان البالثوك من ربوع ليبيا المنكوبة ورانا في انتظاركم عل الاقل اتفقو على راي حتى في البالثوك تفاهمو .
فهمتو يا فرسان والمايك فري .
المايك فررررري .

صوت شباب ليبيا


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home