Libya: News and Views      LibyaNet.Com      Libyan music      Libya: Our Home

send

الخميس 3 سبتمبر 2009

previous letter                 next letter                 list of all letters

دعوة عاجلة للطلبة الدارسين بالساحة البريطانية
للتخلص من الأمانة النائمة أمانة الباربكيو

بمناسبة عيد الثورة العظيمة ثورة الفاتح من سبتمبر

إلى شباب الفاتح إلى شباب الجماهيرية طلبة وطالبات ببريطانيا

هضا الموضوع ليه مدة وانا نتبع فيه وكنت مشغول ببعض النشاطات الهامة بجلاسكوا زى اللى تهتم بالرهينة السياسية عبد الباسط ولكن واجعنى دور الطلاب اللى فى حالة سبات عميق.فقلت الساكت على الحق شيطان أخرس.

اللى زاد الطين بله هو النشاط اللى شفته فى جامعة برادفور واللى هو الملتقى العلمى كنت من المشاركين. ياعينى عليهم ويرحم ولديهم الشباب اللى أشرفوا عليه ونسقوا ليه. هاضى النشاطات اللى يقولوا عليها نشاطات طلابية. تعكس مستوانا وتعليمنا وإستثمار ثورتنا فينا .

أعضاء الأمانة النائمة محضروش وهربوا من تسليخ الوجه لأنهم عارفين أنهم ماعندهمش فيه أى يد. نشاط زى هالنشاط يعريهم ويفضحهم.

ياجماعة الخير راهو دور الطلاب يتعدى الدراسة على الساحة البريطانية ، بل التعريف بيهم وبقايدهم وثورتنا وليبيانا من خلال المناشط والمهرجانات والأنشطة الثقافية و الإجتماعية وهضوم طبعا الأدوات الطبيعية و إحياء المناسبات الوطنية على أكمل وجه من أهم النشاطات. وللأسف هضى الأمانة نائمة ومافيش غير شوية أنشطة هزيلة للشواء والكورة أو الهرولة الى لندن كلما يجى مسئول من ليبيا. أو زيارة الخبير التعليمي أو دعوة الخبير التعليمي .

حنا عارفين انهم طلبة ومشغولين فى الدراسة ولاكن منو اللى ضربهم على يديهم وقاللهم صعدوا وارقدوا . العمل الطلابي الشعبي راهو محرقة وفيه ضريبة واجد كبيرة لكن الدولة متنساش حد وتكافئ كل من يأدى دوره على أكمل وجه.

المهم راهو طفح الكيل والإستهتار والتسيب مش ممكن يستمر. لافيه نشاطات عليها القيمة و لا أخبار فعلا تحسس الواحد أنه فى عمل طلابي مقنع . على سبيل المثال لا الحصر بالله عليكم شوفوا الخبر هضا: تجمع طلبة ليفربول يقيم نشاط ثقافي رياضي .

والرابط متعاه هنا

http://www.libyansu.org.uk/10/news09/liverpool/social_activities/

من أمتا والطلبة يحتفلوا بثورة الطلاب بى هالشكل. وإلا طريقة جديده لتسكير ميزانية الإتحاد. هضا عينه بسيطة وشوف وتصفحوا موقعهم وبعدها احكموا. مثال آخر على الإستهتار:

أقروا الإعلان التالى:
إعلان بشأن إقامة إحتفالات السابع من أبريل بالتجمعات
الأخوة أمناء التجمعات

بعد التحية
الرجاء موافاتنا ببرامج الأحتفالات المزمع إقامتها بمناسبة السابع من أبريل ليتسنى لنا التنسيق بشأنها . شاكرين لكم حسن التعاون
الأمانة العامة

يعنى إيش لاعندهم برامج ولا يفكروا فيها . إنكان أمناء التجمعات عندهم برامج ماش الحال كان هاضا ارقدوا. ياهوووووووووو هذا ماينشروه فى الموقع هضا خطاب داخلى يعني مذكرة داخلية تنسيق داخلى مش فضايح.

عيد الفاتح العام الماضى لا أحتفال يقيم الرأس ولا دياولوا. ماصدقوا جتهم دعوة من المكتب سيبوا كل شئ ومشوا يتلصقوا و يزمزكوا . أقروا الخبر هاضا وشوف الصور اللى فيه.
تلبية لدعوة الأخ القائم بالأعمال بالمكتب الشعبي الليبي ـ لندن حضرالأخوة بالأمانة العامة وعدد من الأخوة أمناء و أعضاء التجمعات الطلابية في الساحة البريطانية الحفل إقرأ المزيد ...
وهضا رابط الصور
http://www.libyansu.org.uk/10/ff/data/upimages/100_0216.JPG
http://www.libyansu.org.uk/10/ff/data/upimages/100_0218.JPG
والسنة لولا فريق العمل الثورى لا فكروا فى إحتفال ولا غيره. إعلان عبيط غير أقروه .

دعوة للحضور و المشاركة
الأخوة الطلبة
تحية طيبة
بمناسبة حلول العيد الأربعين و إطلالة العام الواحد و الأربعين لثورة الفاتح العظيم يسر الأمانة العامة للإتحاد العام لطلبة الجماهيرية العظمى بالساحة البريطانية و فريق العمل الثقافي بالساحة الاعلان عن الاحتفال الكبير الذى سوف يتم إحياءه يوم الثلاثاء الموافق 01/09/2009 ف بمدينة لندن و ذلك على تمام الساعة الواحدة ظهرا بمقر المكتب الشعبي الليبي.
وبهذا ندعو كافة جماهير المؤتمرات الطلابية بالساحة للحضور و المشاركة، وللمزيد من المعلومات يرجي الاتصال بأمين التجمع كلاً حسب التجمع التابع له.
وكل العام و أنتم بخير

الحقيقة راهو الموضوع يطول و الملفات سمينة وتافهة وشئ يحشم. أنا هدفى بسيط وسهل لا بنحاسب و لا نشكك فى ذمة أحد. كل ماهو مطلوب اللى مش فاضى للعمل الطلابي يعرف قدر نفسه وينسحب بدل ما يطردوه.

يعنى ياأفندى مختار مبروك عليك الدكتوراة ولا كن عاد تروح الى ليبيا وتسيب تسيير الأمانة للهراوكه مش عيب عليك. دير حاجه باهية و اعلن إسقاط الامانة الحالية وإعادة التصعيد لسببين الأول انك انهيت دراستك وتحصلت الدرجة الموفد ليها و الثانية عدم كفاءة العضوين اللى فاضلين. بدل مايعلنها عليك فريق العمل الثورى ويفكنا من الأشخاص العقيمين فى النشاط الطلابي.

وأخيرا أقول للأخ الكوافي الزمزاك
الأسماء اللى ذكرتها من طلبة عملوا من أجل إطلاق سراح عبد الباسط فيها ظلم وزمزكه فيه ناس عملت فى الظلام و جنود مجهولين ويعرفهم الناس الفعليين اللي عملوا و تعاونوا معاهم مش الوصوليين سارقي الجهد كان من الاجدر بيك ياكوافي ماحطيتيش الأسماء ليش لأن اللى ذكرتهم فيهم لقاقة وخلطتهم على الأشراف وهاللقاقة اللى زيك ماعندهمش أى مشكلة لو قلت ان ثورة الفاتح ماكانيش يصير منها لولا مجهود اللى ذكرتهم.

المهندس سيف ميستناش فى أشكالك يازمزاك باش توريه من ساهم كل النشاطات هضى ياتافه بناء على التنسيق معاه ياعبييط .

والسلام ختام

المنظار الثورى – جلاسكو


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home