Libya: News and Views      LibyaNet.Com      Libyan music      Libya: Our Home

send

الإربعاء 3 فبراير 2010

previous letter                 next letter                 list of all letters

ثلاثيات ليبية

ثلاثة تسبب الاحباط : الواسطة ... و الديون ... والمنتخب الليبي .

ثلاثة صعب نتخلى عنها : الماء...والهواء...والبازين .

ثلاثة محتاجات واسطة : البعثات..والشقق...وأى مصلحة إدارية تبي تقضيها

ثلاثة يرفعوا الضغط : الملح..وزحمة المرور..والمرا النكديه .

ثلاثة تسبب الغرور : الفيلا... والهامر..وبدلة الحرس البلدي .

ثلاثة ياكلوا في لحوم البشر: الحيوانات المفترسة....والقطط السمان ... وجماعة القرمة كان شبعوا .

ثلاثة لازم نتخلى عليهم : التفنيص.. والتلقيح....واللُّـقني وقت العمل .....

ثلاثة شبه اختفوا من ليبيا : الفاصوليا بالكرشه .. واحترام الشيابين ... والفراشية .

ثلاثة ما تحسش بطعمتهم الا في ليبيا : امبكبة على الحطب....والمثروده.....وشاهي العالة

ثلاثة يكفيك ربنا منهم : كعوان ..والعرفية.. وعضو اللجنة الثورية

ثلاثة من معيز تشاد : رحيل ... والجنزورى.... وبومغليه..

ثلاثة ما تستغربش منهم في ليبيا : واحد قاص السريع على رجليه..... وواحد يسوق فى قلع ويغنى بالعلم ..... وواحد طالع في الاحمر..

ثلاثة كان مشوا تتمنى ما عادش يرجعوا عليك : الفقر ..والمرض.. والبنت كان تزوجت .

ثلاثة تتمنى ما تصبحش فيهم : سواق افيكو مستعجل....وطابور طويل في الشيل.... والمدير المتعارك مع مراته

ثلاثة ربي يفكك منهم : مجاري مفتوحة......وبلاغ الهدم من اجل التطوير.....وأبن احد المسؤلين يمتع فى سيارة بوه .

ثلاثة ما ليهمش طعم إلا في ليبيا : القعمول .... القديد .... وعصبان الشمس

ثلاثة لا تستخدم صح إلا في ليبيا : موس بوخوصه ... والطواجين .. .و كر الحبل

مع تحبات
سوانى تيكا


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home