Libya: News and Views      LibyaNet.Com      Libyan music      Libya: Our Home

send

الخميس 2 سبتمبر 2010

previous letter                 next letter                 list of all letters

شكوى ضد قنصل ليبيا ببريطانيا

شكوتي في هده الشهر الفضيل من الاخ القنصل الملكف بالمكتب الشعبي واسمه عبدالرزاق الشح، فهدا الشخص وحق الله يعرقل في جميع أجراءات الليبين.
ومشكلتي بسيطة لولا هدا الشخص، فأنا متزوج من أمراة أنجليزية مسلمة واقطن في مدينة ويقن وحضرت الي لندن لطلب تاشسرة لزوجتي والتي تدهب الي ليبيا بمعدل مرة في السنة.
وعندما تقدمت بالطلب تم رفضه لان زوجتي لم تحضر معي ، واستغربت جدا من هدا الموضوع فقيل لي بانها تعليمات القنصل والتي تقول يجب حضور كل شخص لتقديم التاشيرة لانها لازام ما يتم أخد بصمتها، واستغربت لانها نهاية السنة الماضية تم أخد بصمتها.
وهدا اجراء جديد ولكن قلنا مافيش مشكلة وبعد خسارة 100 باوند مصاريف نقل واكل، رجعت وجئت مرة أخري ومعاي زوجتي واطفالي ولكني صدمت مرة أخرى وهدا المرة القنصل مش موجود وممنوع على الموظفين أخد أي أجراء من اي مواطن ليبي مالم يكن السيد القنصل موجود ويشوف الشخص وزوجته!!!
عملت المستحيل ولكن لا حياة لمن تنادي ولان سيادته مش موجود كل شي يقف.
هل يعتقد السيد بان هده ليبيا وان الشخص المسئول هو من يقرر ويخبس.
هده المرة كلفتني اكتر من 300 جنيه مصاريف فى اليوم والسيد ولا عابي و لاحتي جاء للعمل.
وارواق زوجتي والطلب وحتي البصمة لم يتم أخدهم بحجة ان أوامر السيد لازم ما تطاع.
الموظفين مشكورين على تفهمهم الراقي لكن ما بيدهم حيلة.
ومش عارفين متي ياتي القنصل.
كنت طوال الوقت على اعصابي في لندن دايخ مش عارف ايش ندير ولا واسطة ولا شي.
حجزت غرفة صغيرة في فندق بسيط ونمت على اعصابي ورجعت للمكتب تاني يوم والسيد لم ياتي للعمل وما فيش حد عارف هل سياتي ام لا؟
أنتظرت زوجتي تسال وتعادو وين القنصل؟
وليه ماتشكي وتتكلم؟
قلتلها شنو تحسابي هده بريطانيا.
تي هده ليبيا والمدير هو اللي يحكم كأنه وارث المكتب من بوه.
وبعد اربع ساعات انتظار جي سي البي وقدمنا الطلب والاجراء كان جاهزبعد ما عملت دوشة للقنصل اللي كان رجل بايخ وسخيف وعديم الدمة.
وبالمناسبة سمعت قصص عن اشخاص ينتظروا في اتمام اجراءات اضافة مواليد واستخراج جوازات سفر جدد لمدة اشهر ولا حد يدري.
وحق الشهر الكريم يا شح هدا ما اسلوب ولاتصرف من شخص قامت ليبيا لارساله لكي يقرب بين الجالية الليبية و ليبيا. وليبيا كل يوم تدعوا وتقول ارجعوا لكن النمادج هده معرقلة الامور.
وبالله عليك يا سيد موسى كوسه هدا شكل يبعث لبريطانيا.
غير قولونا من وين تلقوا فيهم.
وحسبنا الله ونعم الوكيل .

طالب


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home