Libya: News and Views      LibyaNet.Com      Libyan music      Libya: Our Home

send

الأحد 30 نوفمبر 2008

previous letter                 next letter                 list of all letters

د. الزايدي قال : يسألونك عـن بوسليم

صديقي مصطفى الزايدي (التكتور) كي ما قلت عن نفسك مرة وأنت مخمور امطلينها، صديقي طبيب الحروق تميت مواظب على متابعة المواقع المشبوهة أكثر من الكلاب الضالة أنفسها أو أنفسهم بل صرت تكتب بشكل أسبوعي وأحياناً حبتين في السبوع كي ما تقول بلهجتك (المصرانية) وعلى الرغم من كوني ( هرواك) ثوري وقديم في (الهروكة) مثلك وأكثر غير أني مش دموياً كيفك فأني لست مضطراً إلى مواصلة الكذب و الهروكة كي ما تهروك أنت و تضرط في مواقع الكلاب الضالة .

المنشور اللي جاك جاني (يا سعت التكتور):-

( في مسيرة الثورة المستمرة لابد لنا من التعامل مع واقع العولمة ومقاومة الكلاب الضالة في معاقلها ووضع المواطن الليبي في صورة الضلال والتضليل الذي تمارسه هذه المواقع الحاقدة على الثورة وقائدها....)

بس يا طبيب الغفلة ما عنديش نية نكذب وانضرط كيفك واللي درته في حياتي سادني .

يا صطوفة تو أنرد عليك أنت وليس على الكلاب الضالة لأنهم مساكين نصيدو فيهم ونسحقو فيهم من خمسة وعشرين سنة ومازلنا نستخسر فيهم حتى الكلام ، بما أني هرواك قديم وثوري ترار و هرواك و ضراط قديم نبي أنرد على مقالتك الأخيرة الضراطة اللي سميتها (يسألونك عـن أبو سليم) .

أول حاجة يا سعت التكتور كلمة (يسألونك) هذي أسلوب قراني حرام تستخدمه وانت وأنا بيننا وبينه بعد مكة عن سرت المجاهدة .

تاني حاجي يا صطوفة بوسليم القايد وحده معترف بيها رد بالك اتكذب القايد ايديرولك كي ما دارو للطيب الصافي(امتاع القحاب) وبوكراع (جرانة الضي) ايحاكموك وبعدها نهتف علي راسك (شنقاً شنقاً في الميدان) وانشوفك تبكي وتقول (إيه اللي بيحصل ده *** إيه اللي أنا شايفو داه) اللي صار في بوسليم مجزرة راحوا فيها 1200 زنديق ما تنكرش يا تكتور.

الحاجة التانية قلت في مقالتك الضراطية :- لقد وجه القائد معمر القذافي يوم الفاتح العظيم النداء إلى الجميع لمد الأيادي .. وتناسي الأحقاد.. والعمل معاً لبناء ليبيا الصاعدة إلى العلاء .. ولم يستثني احد من الليبيين رغم الجرائم التي مارسها بعضهم بحق الشعب الليبي سواء بالعمل مع المستعمر الايطالي والقيام بأعمال غاية في الدناءة ضد شعبهم من قبيل مقاومة المجاهدين ومتابعتهم والفتك بهم ..)

الكلام هدا موش لينا هداكايا انتاعين حزب الله اللبناني هدا كلامهم لما حررو جنوب لبنان ما قتلوش الخونة والعملاء وطلع عليهم الشيخ نصرا لله وقال لهم مدو أيديكم وانسو أحقادكم وفعلاً ما سحق حد ، أما القايد لما عمل التورة انتاعا ما لقاش خاين بيش يسحقه لقي شعب كله انعاج بقي يدبح فيهم كي ما يبي ، أما مدو ايديكم والكلام اللي قاله في يوم التورة هو وحده انسيه يا اصطوفة يا خويا يا ترار يا كبير الضراطين .

الشي التاني الالتحام بالتورة والقوة الصاعدة والجماهير والدوة اللي صارت في السبعة وسبعين ورأس خويا صطوفا لولا القايد قاللنا انه خدي الإذن من برجينيف بيش يسحق الكلاب الضالة في اوروبا وميركا راه كلونا الكلاب ، صح الكلاب الضالة عويلة انتاعين قراية وعلم بس لكن نشهدوا بالله انهم كانو أيخلو في القايد ما يمسك الضراط بكل ، انسيت في عام أربعة وتمانين لما التقي بينا في معسكر (الحاجة امعيتيقة) ولما القايد قال:- الفرخ الفاسد اللي في بريطانيا ما قعدت نرقد لين سحقوه اللجان التورية ، ادكر يا صطوفة يا خويا ، لا التحام ولا جماهير ولا خونة ولا هم يحزنون القايد موسه طايب ونحن اللجان الترية الضراطية والشعب النعاجي الراقد ، هدي هي اللعبة ما اتكبرهاش يا اوخيي القايد والجماهير والإلتحامات والدفنقي انتاع عبدالله منصور(الزامل) واحمد إبراهيم (انتاع الفروخ).

الشي الآخر يا صطوفة وراس اوخي خلي الدين عنك غاديكا ، توا مش عيب اتقول إن عمار ضو و فرج مخيون شهداء ، عيب عليك ، توا هدوما كي حمزة والا عمر المختار ، القايد ايخلط ايمين وايسار يقتل النعجة السعدة والنعجة القرنة واللي يعجبه ما فيش شهداء في مزرعة القايد.

قال خويا اصطوفة : - لقد خاضت ليبيا بشجاعة ثورتها حرباً استباقية ضد الإرهاب ونجحت في إبعاد ويلاته عن شعبنا.. حتى صارت تحسد على ما تتمتع به من امن وسلم اجتماعي فمن هو المجرم .. هل هم الزنادقة ومن دربهم وسلحهم .. وأرسلهم إلى ليبيا أم ثورة الفاتح التي حافظت على امن وأمان شعبها ...)

تدكر لما الصوصاع الجبان في البيضاء لما قال ليبيا شنو قاله القايد ، سمعه اللي فيه النصيب ، ندكر قاله :-

توا يا صوصاع يا زا...ل يا فرخ القـ...ة يا فاسد الفساد قمنا بالتورة وكتبت الكتاب الأخضر وسلمنا السلطة للشعب وحولناها جماهيرية وانت تقول بوجهك المسقع ليبيا ، شكلك حنيت للعهد المباد الفاسد .

ادكر يا خويا صطوفا كيف كنا نستغفرو في ربي لما نغلطو وانقولو ليبيا مكان الجماهيرية ، رد بالك يا ولد راك زعلت القايد ياسر ، راه ايديرلك كيف ما دار للبدوي المصنن امبارك الشامخ ،أشبح وين زرله القيلة ، رد بالك.

أخر حاجة قالها خوي مصطفى في نهاية مقالته الضراطية حشاكم وحشا كلام ربنا ختم بآية من القران ياشرينتي بقي شيخ ،(( قُلْ يَا أَيُّهَا الْكَافِرُونَ.. لَا أَعْبُدُ مَا تَعْبُدُونَ )) ، انسيت أنه القايد قال ما تقولوش قل هو الله أحد وما اتقولوش قل يا أيها الكافرون ، قولو الله أحد دغري ويا أيها اللكافرون بلا قل .

يا صطوفة يا خويا في الكفاح والتورة والسكير والنكير والهتاف والعياط والشياط ، خلي الكلاب الضالة في حالهم وخش هالبزنس ودير كيفي لم اقريشات علي حالك ودس في اوربا ومصر ودبي والاردن والمغرب كي ما ايدير القايد واصغاره ورد بالك ترجع للشاشة ، أني نحمد ربي ان جيراني نسو اني كنت في اللجان التورية ، اسمع نصيحتي يا صطوفة والعويلة السحانين اللي يكتبولك الزوز انتاعين النظارات اللي يكتبو في الشعر والواحد انتاعهم ، رد بالك منهم واحد منهم خاله في الكلاب الضالة .

من رفيق ثوري ضراط قديم ، كتب الكلام هدا كله بعد ما شرب نص شيشة بلاكبون ايهودية امقزرة.


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home