Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

القنصلية الليبية بلندن وكرامة الموطن

لا ندري من أين نبدأ الدلو مشروك من كل اتجاه يالندرة معاناة المواطن لما يبي يقدم على تجديد جواز سفر وينصدم لما الموظف المختص يطنش عليه بالرد راهو تبيلك حتى شهر ولا, يقولك معندناش جلدة وإلا تبي تسجيل مولود وإلا تمديد تلقى كان اللي يزيدك غمة ودائما البشارة السودة عمرها ما تجي تزغرت منهم.

فالحين كان في الحسد في بعضنا البعض والبغض والتنكيل والتكعبيش في بعضنا تعال غدوة تعال الشهر الجاي فلان صفته وفلان نعتة ما اديرلاش ماتعطيشي وبراء...

أسيادكم الانجليز يجو يبو التأشيرة خدمات درجة أولى ثاني يوم التأشيرة واتيه بدون حتى مقابلة والمواطن الليبي يمشي يشرب مية البحر كان مش عاجبه يمشي ياخده حتى في الجبل.

هده أخبار قنصلية لندن المواطن الليبي معنداش أي قيمة بالنسبة لهم.

تعالوا إلي الليبيين في ليبيا اللي يبوا يقدموا على التأشيرة الانجليزية يسوقوا فيهم زى السعي جيب الورقة الفلانية و و و و - وزيد على هذا عطينا بصماتك باش يسجلوا في المنظومة الدولية والليبيين شن يقولوا؟ باهي حاضر خودوا والله إلا شعب قلبه ميت وصلوا عليه صلاة الجنازة .

من المسؤل على كرامة المواطن الليبي؟ خرف طز فيه شعب كتبت عليه الذلة دليل مش قادر حتى يحترم بعضه البعض .

هدا حال المواطن الليبي مع القنصلية الزقحة خدمات زفتة شومة.

مواطن ليبي قلبه ينزف


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home