Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

جماهـيرية الكعـك

الكعك الليبي الاصيل " الحلو والصامت " الكعك الدى كان الرقم الاول فى افراحنا واعيادنا واصبح الرقم الاخير مع دخول حلويات الشرق و الغرب المتوفرة الان باشكالها الجميلة الرشيقة وحلاوة طعمها التى تدوب العين منها قبل ان تدوب فى الفم.
انواع واوصاف يصعب حتى نطقها احيانا:

(ابل باى – التشيز كيك – موس الشيكولاة – السويسرول – سبونج كيك- التوست ) وطبعا لاننسئ البسبوسة بالعسل البلدى وكمالياتها والكنافة بالقشطة ومادراك بالقشظة!!

ورغم غلاء اسعارالحلويات حتى اصبح الكيلو الواحد يساوى ضعف يومية مواطن ليبي !!!!
(طبعا لانقصد يومية من يوميات القطط السيمان!! طلبياتهم من لذة وطاب مع الكفيار ومستلزماتة تاتى من المصدر من وراء حدود جماهيرية الكعك- وهدا طبعا لو تنازلو وقاموا حفالاتهم واعيادهم فى جماهيرية الكعك بدلا من هوتيلات الخمس نجوم فى عواصم العيون الزرقاء والشعر الاشقر اوعلى يوخوت فى شواطى الخالدات )

كما اسلفنا كيلو من اطباق الحلويات يساوى ضعف يومية ليبيى بسيط ولكن غلاوتها فى النفس وحلاوتها فى الفم وكدلك خوفا من كلام الناس اصبح البعض يعمل المستحيل لطلبيات الحلوة الشرقية والغربية فى الافراح و الاعياد ولاتكون الفرحة متكاملة بدون صحون الكيك شكولاة وتشيز كيك والبسبوسة مع الكوكاكولا دايت!

( خوفا من السكر ومشاكلة, المشروبات لازم تكون دايت!!! )

نعرف ناس خدت سلفة بنكية لتغطية فلوس الحلويات بس!! طبعا المعاش يادوبك الاسبوع التانى من الشهر - هده كان وصل فى وقتة!!

طبعا هدا مش موضوعنا- مشاكل الليبي البسيط لاتبدا ولاتنتهى بحلاويات الشرق والغرب- فحدت ولا حرج!!

موضوعنا هو الكعكة الليبية المدهونة بالنفط ( اويل كيك ) .

ماتشرق شمس وتغرب فى اخبار- الشرق والغرب - و الكعكة الليبية هيا الحاضر الغائب والغائب الحاضر والكل يتحدت ويقسم على حسب - صوانية وسكاكينة – والمواطن البسيط المفترض ان يكون صاحب السلطة والكعكة يتفرج ويمصمص فى ريقه.
ويوم مايفكر فى حصة من الكعكة فى مشروع او بزننس علية ان يفكر اولا برحلة الالف ورقة والف واسطة والف رشوة والف قرار ( فى اليوم طبعا )

وينسئ انه مواطن فى جماهيرية الكعك حتى وان كان كعك صامت مادام ماعنداش واسطة لسلفة من بنك.

المواطن اصبح الرقم الاخير زى كعكاته الحلوة والصامته !!! فهل سيكون المواطن وكعكاته الرقم الاول فى ليبيا الغد!! اوستبقئ كعكاته لغيرة حتى وان كانت صامته !!!

فبمناسة الحديث هدة الايام عن الميتاق الوطنى او الدستور نارجوا من ليبيا الغد ان تجعل المواطن هو رقمها الاول فى هدا الميتاق!!!

تحياتى

الخمسي


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home