Libya: News and Views      LibyaNet.Com      Libyan music      Libya: Our Home

send

previous letter                 next letter                 list of all letters

قالوا وقلنا

قالوا ,,, أن المؤتمر سيعقد في وقته !!!
قلنا,,, اللي راكب خشبة قوله مبروك عليك الحصان !!!

قالوا ,,, المؤتمر مستعديله كويس !!!
قلنا,,, ريت هالقنبلة اللي بيصنعوها !!!

قالوا ,,, ساعدوا وتبرعوا للمؤتمر !!!
قلنا,, يابزناسة طامعين في الليبيين وهما مش لاقيين ياكلوا !!!

قالوا ,,, مستعدين لإستقبال المشاركين في المؤتمر !!!
قلنا,,, واضح من وجود المخبر شعبان القلعي في لجنة الإستقبال !!!

قالوا ,,, مستعدين أمنياً !!!
قلنا,,, واضح من وجود العميل ناصر الورفلي في اللجنة الأمنية !!!

قالوا ،،، ينقو في المشاركين بيش مايخترقهمش النظام !!!
قلنا,,, باين عليكم واخدين انتباهكم لدرجة ان سليمان الباروني رئيس اتحاد الطلبة سابقا واللي مدوب شلايكه مابين وكالة الانباء والسفارة , من المدعوين الأوائل !!!

قالوا ,,, المؤتمر ميحضراش غير الوطنيين الشرفاء !!!
قلنا,,, ريناه الشرف في قوّادة سيف !!! وقوّاد بنيران !!!

قالوا ,,, لو ماترضاش بكولـسة جماعة المؤتمر معناها انتا مخابرات !!!
قلنا,,, يلعن بو هالديمقراطية اللي تعلمتوها !!!

قالوا ,,, انتا هكي بتفرق الصف الوطني !!!
قلنا,,, يحسابوه الصف الوطني طابور جيش يوقف باهي بيش يستعرضو بيه !!!

قالوا ,,, راك بديت ترفس !!!
قلنا,,, تهو فيه رفس اكتر مللي ترفسو فيه !!!

قالوا ,,, كيف !!!
قلنا,,, تبو تبينو للناس انكم متوحدين وغير مشي واسكت، وانتو طايحين في بعضكم ترييش، واللي يتلفت تعطوهاله في ضهره, وتقولولي لازم المؤتمر ينجح !!!

قالوا ,,, بلاااا شورك فاهم الخربيطة !!!
قلنا,,, مغير كيف ينجح المؤتمر وهو قريب تلات سنين ومارينا منكم غير عقاب بيان واحد ودرتو عليه العار !!!

قالوا ,,, وشن تبينا نديرو !!!
قلنا,,, صدق من قال يقتل القتيل ويمشي في جنازته !!!

قالوا ,,, فسر مفهمناكش !!!
قلنا,,, معيار النجاح مش مغير تعالو في صالة واجتمعوا وطلعو قرارات وخلاص !!!

قالوا ,,, امالا كيف !!!
قلنا,,, النجاح انك تعرف روحك شن تقدر تنفد قبل ماتقرر, وعلى قد غطاك مد كرعيك !!!

قالوا ,,, وشن قصدك !!!
قلنا،،، مادام متقدوهاش سيبو الطريق لغيركم !!!

قالوا ,,, وكان ماسيبناش !!!
قلنا،،، راهو ملفاتكم متقله وقريب يبدا الورق يطيح !!!

قالوا ،،، شن قصدك، تهدد ؟؟؟ !!!
قلنا,,, اللي فوق راسه بطحة يتحسسها !!!

الكاسح


previous letter                 next letter                 list of all letters

Libya: News and Views      LibyaNet.Com      Libyan music      Libya: Our Home